नारायणगढ/सनी सेक्युरिटिज कम्पनी लिमिटेड, ब्रोकर नं. ४२, नारायणगढ शाखाद्धारा WORLD INVESTOR WEEK 2026(October 5-11) अवसरमा “Invest in your future. Protect it today” भन्ने मूल नारासहित वालकुमारी कलेज, नारायणगढ, चितवनमा स्नातक तह (BBA & BITM) मा अध्ययनरत ६४ जना विद्यार्थीहरूका लागि शेयर बजारसम्बन्धी लगानीकर्ता सचेतना कार्यक्रम सम्पन्न भएको छ ।
विद्यार्थीहरूमा शेयर बजार तथा लगानी सम्बन्धी आधारभूत ज्ञान अभिवृद्धि गर्नुका साथै शिक्षा र लगानीलाई सँगसँगै अगाडि बढाउँदै ज्ञान तथा सीपको माध्यमबाट भविष्यमा आर्थिक अवसर सिर्जना गर्न सकिन्छ भन्ने अवधारणालाई प्रोत्साहन गर्ने उद्देश्यले कार्यक्रम आयोजना गरिएको हो।
कार्यक्रममा प्रमुख अतिथी वालकुमारी कलेज, नारायणगढका प्रिन्सिपल श्री कुलचन्द्र पण्डितले कार्यक्रमको महत्वका साथै शुभकामना मन्तव्य व्यक्त गर्नुभएको थियो । विशिष्ट अतिथीका रुपमा सहायक प्रिन्सिपल श्री प्रविणा श्रेष्ठ, सहायक प्रिन्सिपल डा.शुशिल घिमिरे, कार्यक्रम प्रमुख श्री विजय भुषाल रहनुभएको थियो भने अतिथीको रुपमा प्राध्यापकहरु श्री निता जोशी, श्री कृष्णविलास अधिकारी र श्री रवि पौडेलको उपस्थिती रहेको थियो । यसैगरि सनी सेक्युरिटिज कम्पनी लिमिटेडका तर्फबाट प्रमुख वक्ताका रूपमा प्रवन्धक श्री उज्ज्वल पौडेल र सुमन अधिकारीले विद्यार्थीहरूलाई शेयर बजारको परिचय, लगानीका आधारभूत पक्ष, प्राथमिक तथा दोस्रो बजार, डिम्याट खाता, मेरो शेयर, ब्रोकरमार्फत शेयर कारोबार तथा लगानी गर्दा अपनाउनुपर्ने सावधानी लगायतका विषयमा जानकारी प्रदान गर्नुभएको थियो ।
कार्यक्रमका क्रममा विद्यार्थीहरूले शेयर बजार तथा लगानीसम्बन्धी विभिन्न जिज्ञासा राखेका थिए। ती जिज्ञासाहरूलाई प्रमुख वक्ता श्री पौडेलले सरल, व्यावहारिक र विद्यार्थीहरूले सहज रूपमा बुझ्ने गरी सम्बोधन गर्नुभएको थियो । विद्यार्र्थीहरूलाई अध्ययनसँगै वित्तीय ज्ञान, सीप र व्यवहारिक अनुभव हासिल गर्दै भविष्यका आर्थिक अवसरहरूका लागि तयार हुन प्रेरित गरेको थियो ।
सनी सेक्युरिटिज कम्पनी लिमिटेड ले आगामी दिनमा पनि विद्यार्र्थी तथा सर्वसाधारणमा वित्तीय साक्षरता र लगानीसम्बन्धी सचेतना अभिवृद्धि गर्ने उद्देश्यले यस्ता कार्यक्रमहरूलाई निरन्तरता दिने जनाएको छ ।