चितवन/चितवन उद्योग संघअन्तर्गतको युवा उद्यमी मञ्च (Young Entrepreneurs Forum–YEF) को आयोजनामा विपद्का समयमा अग्रपंक्तिमा खटिने व्यक्तिहरूको मानसिक स्वास्थ्य तथा मनोसामाजिक कल्याणसम्बन्धी कार्यशाला आयोजना हुने भएको छ।
“तपाईंले अरूलाई सम्हाल्नुभयो, अब आफूलाई सम्हाल्ने पालो।” भन्ने सन्देशसहित आयोजना गर्न लागिएको “Staying Well While Responding” नामक कार्यशालामा विपद्का समयमा उद्धार, राहत तथा अन्य प्रत्यक्ष सेवामा खटिने व्यक्तिहरूको मानसिक स्वास्थ्यलाई प्राथमिकता दिइने आयोजकले जनाएको छ।
कार्यशालामा आफूलाई बुझ्ने, स्थिर र नियमित रहने, शरीरको हेरचाह गर्ने तथा सँगै हेरचाह गर्ने लगायतका विषयमा व्यावहारिक जानकारी तथा सीप प्रदान गरिनेछ।
कार्यशालामा मनोवैज्ञानिक सुनिता श्रेष्ठ, मनोवैज्ञानिक सुष्मा रेग्मी, काउन्सेलर उपासना श्रेष्ठ, क्लिनिकल काउन्सेलर सुष्मिता थापा र काउन्सिलिङ साइकोलोजिस्ट अञ्जनी खड्का ले सहजीकरण गर्नेछन्।
कार्यशाला भदौ ३०/३१, २०८३ मा दिउँसो १ बजेदेखि चितवन उद्योग संघ परिसरमा आयोजना हुने जनाइएको छ।
विपद्का बेला अरूको उद्धार तथा सहयोगमा सक्रिय हुने व्यक्तिहरूले पनि आफ्नो मानसिक र शारीरिक स्वास्थ्यको ख्याल गर्नुपर्ने आवश्यकतालाई ध्यानमा राख्दै कार्यक्रम आयोजना गर्न लागिएको आयोजकको भनाइ छ।
