काठमाण्डौं/“राहतमा हाम्रो पनि थोरै साथ” भन्ने उद्देश्यका साथ विपदमा परेका समुदाय तथा परिवारका लागि Maxus Nepal तथा Himalaya Organization को तर्फबाट प्रधानमन्त्री दैवी प्रकोप उद्धार कोषमा ५० लाख रुपैयाँको चेक अर्थमन्त्री स्वर्णिम वाग्लेलाई हस्तान्तरण गरिएको छ ।
त्यस्तै लायन्स क्लव अन्तर्राष्ट्रिय डिस्ट्रिक्ट ३२५ जे नेपालको समन्वयमा, करिब ३० लाख बराबरको विपद् प्रभावितहरूका लागि स्वच्छ खानेपानीका निमित्त नुवाकोट त्रिशुलीका दुईवटा अस्थायी आश्रय स्थलहरू, भैरूम माध्यमिक विद्यालय र त्रिशुली प्राथमिक विद्यालयमा Water Treatment Plant जडान समेत गरिएको छ ।
सौर्य ऊर्जामा आधारित उक्त Water Treatment Plant ले प्रति घण्टा १,००० लिटर पानी शुद्धीकरण गर्ने क्षमता राख्दछ । यस प्लान्टको जडानले अहिले तत्कालका लागि होल्डिङ सेल्टरहरूमा रहेका विपत प्रभावित समुदायलाई स्वच्छ खानेपानीको व्यवस्था हुनेछ भने दीर्घकालीन रुपमा त्यसै स्कुलमा पढ्ने विद्यार्थीहरू लावान्वित हुन सक्नेछन् । यसका साथै सो आश्रय स्थलहरूमा रहनुभएका तथा वरपरका घरहरूमा आश्रय लिएर बस्नुभएका अन्य केही विपत प्रभावित परिवारहरूलाई समेत आधारभूत आवश्यकताका सामग्रीहरु वितरण समेत वितरण गरिएको छ ।
त्यस्तै नुवाकोट जिल्लाको त्रिशुली पारिका क्षेत्रहरूमा पुगेर करिब ४०० जनाका लागि आवश्यक पर्ने डसना सिरानी तन्ना, औषधि तथा आधारभूत स्वास्थ्य सामाग्री, अत्यावश्यक खाद्यान्न सामग्री तथा तरकारी, खाना पकाउने सामग्री तथा भाँडाकुँडा, पुरुष महिला तथा बालबालिकाहरूका लागि कपडा तथा अन्य अन्य आधारभूत आवश्यकताका सामग्रीहरू समेत वितरण गरिएको छ ।
यसअघि पनि Maxus Nepal तथा Himalaya Organization ले २०७२ आएको महाभूकम्प जाँदा तत्कालीन समयमा पीडितहरूको उद्धार कार्यमा तत्काल सहयोग पुगोस् भन्ने हेतुले तीनवटा जिल्लाका लागि झन्डै एक करोड रुपैयाँ बराबरको तीनवटा एम्बुलेन्सहरू प्रदान गरेको थियो । भने, कोभिड महामारीको समयमा पनि निःशुल्क सञ्चालनका लागि विभिन्न संघसंस्थाहरूलाई ४ वटा सबवाहन तथा एम्बुलेन्सहरू प्रदान गरिएको थियो ।