भरतपुर/भरतपुरको अग्रणी होटलका रूपमा स्थापित होटल सिराइचुली विश्वकै प्रमुख होटल ब्रान्डमध्ये एक Best Western Hotels & Resorts सँग आबद्ध भएको छ। आब‌द्धतासँगै होटलले अब Best Western Siraichuli Hotel’ नामबाट सेवा सञ्चालन गर्ने भएको छ।
यो आबद्धता चितवनको आतिथ्य तथा पर्यटन क्षेत्रमा पछिल्ला वर्षमा भएको महत्वपूर्ण विकासमध्ये एक हो। यसले व्यवसाय तथा पर्यटन गन्तव्यका रूपमा भरतपुरको अन्तर्राष्ट्रिय पहिचान थप बलियो बनाउने अपेक्षा गरिएको छ।
नयाँ ब्रान्ड पहिचानसँगै होटलका पाहुनाले Best Western को विश्वव्यापी बुकिङ प्रणाली, अन्तर्राष्ट्रिय लोयल्टी कार्यक्रम तथा १०० भन्दा बढी देश तथा क्षेत्रमा मान्यता प्राप्त सेवा र गुणस्तरको मापदण्डको लाभ लिन सक्नेछन्। यद्यपि, होटलले यसअघि स्थापित गरेको स्थानीय पहिचान तथा मौलिक नेपाली आतिथ्यतालाई भने निरन्तरता दिने छ।

भरतपुरको आतिथ्य क्षेत्रमा नयाँ अध्याय

होटल सिराइचुलीको स्वामित्व पक्ष र Best Western Hotels & Resorts बीच भएको फ्रेन्चाइज सम्बन्धलाई यो पुनर्बान्डिङले औपचारिकता दिएको हो। सम्झौताअनुसार होटलले आफ्नो सञ्चालन प्रणाली, पाहुना सेवा तथा सुविधालाई Best Western का विश्वव्यापी ब्रान्ड मापदण्डअनुसार थप व्यवस्थित गर्नेछ।

होटलको स्थानीय चित्रण तथा स्वामित्व भने यथावत रहनेछ। नेपालमा Best Western को ब्रान्ड व्यवस्थापन, सम्पत्ति व्यवस्थापन तथा होटल प्रणालीका क्षेत्रमा रणनीतिक साझेदारका रूपमा Traveality Nepal ले रूपान्तरण प्रक्रियामा सहयोग गरिरहेको छ।

Best Western सँगको आबद्धतापछि होटलमा बस्ने पाहुनाले अन्तर्राष्ट्रिय ब्रान्डसँग जोडिएको गुणस्तर तथा सेवा सुनिश्चितताको थप विश्वास प्राप्त गर्ने अपेक्षा गरिएको छ। साथै, विश्वभरका यात्रुले परिचित रहेको बुकिङ प्रणाली र लोयल्टी कार्यक्रममार्फत होटलको पहुँच अन्तर्राष्ट्रिय बजारसम्म विस्तार हुनेछ ।

७१ कोठासहित आधुनिक सुविधा
Best Western Siraichuli Hotel भरतपुर तथा समग्र चितवन क्षेत्रलाई सेवा प्रदान गर्ने उच्चस्तरीय होटलका रूपमा स्थापित छ । चितवन राष्ट्रिय निकुञ्जको प्रवेशदवारका रूपमा रहेको होटलले स्वदेशी तथा विदेशी पर्यटक, व्यवसायी, सम्मेलन, विवाह तथा विभिन्न कार्यक्रमका समूहलाई सेवा प्रदान गर्दै आएको छ।

होटलमा Deluxe / Executive / Mini Suite र Suite गरी चार श्रेणीका ७१ वटा कोठा रहेका छन्। कोठाबाट शहर वा हिमाली दृश्य अवलोकन गर्न सकिने व्यवस्था रहेको छ।

होटल परिसरमा तीनवटा भोजन तथा बार सेवा सञ्चालनमा छन्। Timmur मा स्थानीय तथा अन्तर्राष्ट्रिय परिकारहरू र कफी उपलब्ध छन् । Kausi Lounge रूफटप, पूलसाइड बारका रूपमा सञ्चालनमा छ, जहाँ अन्तर्राष्ट्रिय परिकार, हस्तनिर्मित कंकटेल तथा विभिन्न अन्तर्राष्ट्रिय वाइन उपलब्ध छन्।

बैठक तथा कार्यक्रमका लागि होटलमा ४०० जनासम्म अट्ने बैंक्वेट हल, बोर्डरुम तथा पीडीआरको व्यवस्था छ। मनोरञ्जन तथा स्वास्थ्यसम्बन्धी सुविधाअन्तर्गत रुफटप स्विमिङ पुल, जिम र स्पा सेवा उपलब्ध छन् ।

यसका अतिरिक्त उच्च गतिको इन्टरनेट, बिजनेस सेन्टर, २४ घण्टा फ्रन्ट डेस्क, २४ घण्टा खानाको सेवा विमानस्थल तथा स्थानीय ट्रान्सफर, पार्किङ, विद्युतीय सवारी चार्जिङ स्टेसन र दैनिक बुफे ब्रेकफास्टलगायत सुविधा उपलब्ध छन् ।

चितवन पर्यटनको प्रवेश‌द्वारका रूपमा भरतपुर

भरतपुर चितवन जिल्लाको प्रमुख आर्थिक तथा प्रशासनिक केन्द्रका रूपमा विकसित हुँदै गएको शहर हो। यो चितवन राष्ट्रिय निकुञ्जको प्रमुख प्रवेशद्वारसमेत हो। युनेस्को विश्व सम्पदा सूचीमा रहेको चितवन राष्ट्रिय निकुञ्ज एकसिंगे गैंडा र बंगाल टाइगरलगायत जैविक विविधताका लागि प्रसिद्ध छ।

वन्यजन्तु पर्यटनबाहेक भरतपुर व्यापार, स्वास्थ्य, शिक्षा तथा आन्तरिक पर्यटनको महत्वपूर्ण केन्द्रका रूपमा समेत विकास हुँदै गएको होटलको प्रेस सामग्रीमा उल्लेख छ। शहरमा बढ्‌दै गएको पूर्वाधार तथा यातायात सम्पर्कका कारण पछिल्ला वर्षमा व्यावसायिक तथा पर्यटकीय आगन्तुकको संख्या पनि बढिरहेको जनाइएको छ।
Best Western आबद्धताबाट हुने अपेक्षित लाभ

होटललाई Best Western ब्रान्डमा आबद्ध गराउँदा पाहुना, होटल तथा समग्र क्षेत्रले विभिन्न लाभप्राप्त गर्ने अपेक्षा गरिएको छ। यसअन्तर्गत Best Western को अन्तर्राष्ट्रिय बुकिङ प्रणालीमा पहुँच विश्वव्यापी लोयल्टी कार्यक्रम, अन्तर्राष्ट्रिय गुणस्तर मापदण्ड तथा होटलको अन्तर्राष्ट्रिय दृश्यता वृद्धि प्रमुख छन् ।

यसैगरी, Best Western का मापदण्डअनुसार कर्मचारी तालिम तथा सेवा प्रक्रियाको विकासमार्फत पाहुनालाई थप एकरूप र स्तरीय सेवा उपलब्ध गराउने लक्ष्य राखिएको छ। अन्तर्राष्ट्रिय पर्यटकका लागि परिचित विश्वव्यापी ब्रान्डसँग आबद्धताले थप विश्वास सिर्जना गर्ने तथा चितवनको पर्यटन विकास, स्थानीय रोजगारी र क्षेत्रीय आर्थिक गतिविधिमा समेत सकारात्मक योगदान पुग्ने अपेक्षा गरिएको छ।

Best Western Hotels & Resorts बारे

Best Western Hotels & Resorts विश्वका ठूला होटल ब्रान्डमध्ये एक हो। यसको नेटवर्क १०० भन्दा बढी देश तथा क्षेत्रमा फैलिएको छ। दशकौँको आतिथ्य अनुभवमा आधारित ब्रान्डले गुणस्तर, आराम तथा सेवाको निरन्तर मापदण्डका लागि अन्तर्राष्ट्रिय यात्रुमाझ पहिचान बनाएको छ।

विश्वव्यापी बुकिङ प्रणाली तथा लोयल्टी कार्यक्रममार्फत Best Western ले स्वतन्त्र होटल सञ्चालक र पाहुनालाई अन्तर्राष्ट्रिय नेटवर्कसँग जोड्‌दै आएको छ।

नेपालमा हाल Best Western का दुईवटा होटल सञ्चालनमा रहेको छ। एउटा त्रिभुवन अन्तर्राष्ट्रिय विमानस्थलबाट करिब पाँच मिनेटको दूरीमा तथा पशुपतिनाथ मन्दिर नजिक रहेको र अर्को गोदावरीमा रहेको छ। भरतपुरको Best Western Siraichuli Hotel थपिएसँगै Best Western को उपस्थिति चितवनसम्म विस्तार भएको छ।

Traveality Nepal बारे
Traveality Nepal नेपालमा Best Western Hotels का लागि रणनीतिक साझेदारका रूपमा कार्यरत रहेको छ। यसले ब्रान्ड व्यवस्थापन, सम्पत्ति व्यवस्थापन, होटल व्यवस्थापन प्रणाली, च्यानल व्यवस्थापन तथा OTA एकीकरणलगायत क्षेत्रमा काम गर्दै आएको छ।