बन्दीपुरमा रोटरी क्लब अफ चितवनका तीनवटा सेवामूलक कार्यक्रम

मिति २०८३/०५/०१ सोमबारका दिन रोटरी क्लब अफ चितवनले तनहुँको बन्दीपुर गाउँपालिका–२ स्थित श्री भानु माध्यमिक विद्यालयमा शिक्षक तालिम सहयोग परियोजनाको सम्झौता–पत्रमा हस्ताक्षर कार्यक्रम, शैक्षिक तथा खेलकुद सामग्री वितरण र महिनावारी स्वच्छता सचेतना अभियान सम्पन्न गरेको छ ।

रोटरी क्लब अफ चितवनका अध्यक्ष रो. गेहेन्द्र मान श्रेष्ठको अध्यक्षतामा सम्पन्न कार्यक्रममा बन्दीपुर गाउँपालिका–२ का वडा अध्यक्ष तथा श्री भानु माध्यमिक विद्यालय व्यवस्थापन समितिका अध्यक्ष तिलकबहादुर कुँवर प्रमुख अतिथि रहेका थिए । कार्यक्रममा विद्यालयका प्रधानाध्यापक विज्ञान भट्टराई , रुथ मेमोरियल फाउन्डेसनकी प्रतिनिधि मना पिया तथा रोटरी क्लब अफ चितवनका पदाधिकारी, पूर्व अध्यक्ष, सदस्य, शिक्षक तथा विद्यालयका प्रतिनिधिहरूको उपस्थिति रहेको थियो ।

कार्यक्रमकै अवसरमा रोटरी क्लब अफ चितवनको पहलमा श्री भानु माध्यमिक विद्यालय, बन्दीपुरमा सञ्चालन गरिने “Teachers’ Training Support Project in Bhanu Secondary School in Bandipur” परियोजना सञ्चालनका लागि रोटरी क्लब अफ चितवन, विद्यालय व्यवस्थापन समिति र बन्दीपुर गाउँपालिका–२ बीच सम्झौता–पत्रमा हस्ताक्षर गरिएको छ।  सो सम्झौता पत्र अनुसार उक्त विद्यालयमा रोटरी क्लब अफ चितवनले शिक्षकहरुका लागी १ वर्ष क्षेमता अभिवृद्धि तालिम संचालन गर्ने कम्पुटर ल्याब स्थापना गर्ने, स्मार्ट बोर्ड जडान गर्ने र सौर्य उर्जा प्रणाली जडान गर्ने सहमति भयको छ ।  यस परियोजनाले शिक्षकहरूको क्षमता अभिवृद्धि तथा विद्यालयको शिक्षण–सिकाइ प्रक्रियालाई थप प्रभावकारी बनाउने उद्देश्यले सञ्चालन गरियको हो ।

उक्त परियोजनाका प्रथम सम्पर्क व्यक्ति तथा रोटरी क्लब अफ चितवनका निर्वाचित अध्यक्ष रो. राजन पियाले ग्लोबल ग्रान्ट अन्तर्गत सञ्चालन हुन लागेको यस परियोजनाको उद्देश्य, कार्यक्षेत्र, सम्झौताका बुदाहरु तथा कार्यान्वयन प्रक्रियाबारे जानकारी गराउनुभएको थियो ।