राष्ट्रिय सौन्दर्यकर्मी युनियन नेपालको केन्द्रीय कमिटिको बैठक केन्द्रीय कमिटी अध्यक्ष सुमन गुरुङ्गको अध्यक्षता, जिफन्ट राष्ट्रिय कमिटी उपाध्यक्ष, गण्डकी प्रदेश इन्चार्ज, राष्ट्रिय सौन्दर्यकर्मी युनियन नेपालको संस्थापक अध्यक्ष तथा गण्डकी प्रदेश सभा सदस्य माननीय मिना गुरुङ्गको प्रमुख आतिथ्यता, राष्ट्रिय सौन्दर्यकर्मी युनियन नेपाल प्रतिनिधि परिषद प्रमुख पम्फा पहारीको अतिथ्यतामा भर्चुअल माध्यमबाट सम्पन्न भयो ।
बैठकमा विजया दशमी, शुभ–दिपावली, छठ पर्व, नेपाल सम्बत्, ल्होसार लगायतका चाडपर्वहरुको प्रमुख अतिथी, अतिथी लगायत सहभागीहरुले शुभकामना आदानप्रदान गर्नु भएको थियो । कार्यक्रममा प्रमुख अतिथी माननीय मिना गुरुङ्गले चाडपर्वहरुको शुभकामना व्यक्त गर्नुहुदै सौन्दर्यकर्मीहरुको पेशा कोभिडका कारण संकटमा परेको हुँदा यसलाई जोगाउन केन्द्रीय कमिटीले उचित भुमिका खेल्नुपर्ने भएको बताउनु हुँदै चाडपर्व मनाउदा समेत उच्च सतर्कता अपनाएर चाडपर्व मनाउनुपर्ने कुरामा जोड दिनुभयो ।
केन्द्रीय महासचिव पवि गुरुङ्गले संचालन गर्नु भएको बैठकले राष्ट्रिय सौन्दर्यकर्मी युनियन नेपालकी केन्द्रीय सदस्य अञ्जु गुरुङ्गलाई राष्ट्रिय सौन्दर्यकर्मी युनियन नेपालको केन्द्रीय प्रचार प्रसार सचिवमा र वाग्मती प्रदेश कमिटी सचिव सुजना जोशिलाई केन्द्रीय सदस्यमा मनोनयन गरेको छ ।
केन्द्रीय सचिव र सदस्यमा मनोनयनमा पर्नुहुने दुबैलाई उज्यालो टाइम्सका तर्फबाट सफल कार्यकालको शुभकामना सहित बधाई ज्ञापन गर्दछौ ।
