चितवन/स्पाउस क्लब अफ आर सि चितवन तथा श्री कलेज अफ टेक्नोलोजी एद्यल्क्) को संयुक्त आयोजनामा २०८३ असार २२ गते (६ जुलाई २०२६) भरतपुर महानगरपालिका–१४, सुन्दरबस्ती, चितवनमा नेश्नल सिटी अस्पताल लि. को प्राविधिक सहयोगमा निःशुल्क स्वास्थ्य शिविर सफलतापूर्वक सम्पन्न भएको छ। रोटरी क्लब अफ चितवनका अध्यक्ष गेहेन्द्रमान श्रेष्ठको अध्यक्षतामा सम्पन्न कार्यक्रममा भरतपुर महानगरपालिका–१४ का वडा सदस्य मञ्जू महतो मोक्तान प्रमुख अतिथिका रूपमा उपस्थित हुनुहुन्थ्यो।

कार्यक्रममा स्पाउस क्लब अफ आरसी चितवनका अध्यक्ष जानकी शर्मा तथा श्री कलेज अफ टेक्नोलोजीका संस्थापक अध्यक्ष सरोज ढकाल, भाइस प्रिन्सिपल बबिता घिमिरे, नेशनल सिटी हस्पिटल लि. का कार्यकारी निर्देशक विक्रम अधिकारीको विशेष उपस्थिति रहेको थियो। अमिसा सापकोटाले सञ्चालन गर्नुभएको औपचारीक कार्यक्रममा स्वागत मन्तव्य राख्दै श्री कलेज अफ टेक्नोलोजी भाइस प्रिन्सिपल बबिता घिमिरेले कार्यक्रमको उदेश्य बारे प्रकाश पार्नु भएको थियो भने स्पाउस क्लब अफ आरसी चितवनका अध्यक्ष जानकी शर्मालेप सहयोगी संस्था र बिशेस गरि श्री कलेज अफ टेक्नोलोजी नर्सिंग दोस्रो वर्षका विधार्थीलाई धन्यबाद ज्ञापन गर्नु भयो। अध्यक्ष गेहेन्द्रमान श्रेष्ठले रोटरी क्लब अफ चितवनले विगत ३४ वर्षदेखि शिक्षा, स्वास्थ्य, वातावरण तथा सामुदायिक विकासका क्षेत्रमा निरन्तर सेवा कार्यक्रम सञ्चालन गर्दै आएको उल्लेख गर्नुभयो। उहाँले यस्ता स्वास्थ्य शिविरले समुदायमा स्वास्थ्य सचेतना अभिवृद्धि गर्नुका साथै आधारभूत स्वास्थ्य सेवा नागरिकको पहुँचमा पु¥याउन महत्त्वपूर्ण योगदान पु¥याएको बताउनुभयो।

शिविरमा ९३ भन्दा बढी स्थानीय नागरिकको निःशुल्क मधुमेह (ब्लड सुगर) तथा रक्तचाप परीक्षण गरिएको थियो। साथै, नेसनल सिटी अस्पतालका कन्सलटेन्ट डा. सुमन दवाी मेडीकल अफिसर डा. सुनिल बरालद्वारा स्वास्थ्य परीक्षण तथा परामर्श प्रदान गरीनुका साथै आवश्यक बिरामीहरूलाई निःशुल्क औषधिसमेत वितरण गरिएको थियो । कार्यक्रमलाई सम्बोधन गर्दै प्रमुख अतिथि वडा सदस्य मन्जू महतो रोटरी क्लब अफ चितवनले समुदायको स्वास्थ्य, शिक्षा तथा सामाजिक विकासमा पु¥याउँदै आएको योगदानको प्रशंसा गर्नुभयो। उहाँले यस्ता सेवामूलक कार्यक्रमले स्थानीय बासिन्दालाई प्रत्यक्ष लाभ पुगेको उल्लेख गर्दै आगामी दिनमा पनि यस्ता अभियानलाई निरन्तरता दिन आग्रह गर्नुभयो। समुदायमा स्वास्थ्य सेवाको पहु ँच विस्तार, रोगको समयमै पहिचान तथा स्वास्थ्यप्रति जनचेतना अभिवृद्धि गर्ने उद्देश्यले शिविर आयोजना गरिएको रोटरी क्लब अफ चितवनका सचिव रोसन खरेलले बताउनु भयो ।