भरतपुर/घरबहाल सरोकार महासंघ नेपालको १६ औं स्थापना दिवसको अवसरमा नेपाल घरबहाल उपभोक्ता मञ्च चितवनले “बहालमैत्री स्थानिय सरकार र कर प्रणालीमा ब्यापक सुधार” भन्ने बिषयमा अन्तरक्रिया तथा शुभकामना आदानप्रदान कार्यक्रम सम्पन्न गरेको छ ।
नेपाल घरबहाल उपभोक्ता मञ्च चितवनका अध्यक्ष विक्रम सापकोटाको अध्यक्षतामा सम्पन्न कार्यक्रममा महासंघकी पूर्ब उपाध्यक्ष तथा मञ्चकी पूर्ब अध्यक्ष एबम् सल्लाहकार पबित्रा जोशी प्रमुख रहनु भएको थियो । कार्यक्रममा महासंघका संस्थापक उपाध्यक्ष तथा मञ्चका पूर्ब अध्यक्ष एबम् सल्लाहकार दुर्गा प्रसाद गौतम बिशिस्ट अतिथि रहनु भएको थियो ।
कार्यक्रममा महासंघका केन्द्रीय सदस्य हरि प्रसाद भट्ट, पूर्ब केन्द्रिय सदस्य तथा मञ्चका पूर्ब अध्यक्ष एबम सल्लाहकार प्रभात ढुंगाना , मञ्चका पूर्ब अध्यक्ष एबम सल्लाहकार हरि शर्मा पौडेल लगाएतले शुभकामना मन्तव्य राख्नुभएको थियो । मञ्चका अध्यक्ष बिक्रम सापकोटाको अध्यक्षतामा आयोजित कार्यक्रममा मञ्चका पदाधिकारी तथा सदस्यहरुको सहभागिता रहेको थियो। कार्यक्रममा मञ्चका प्रथम उपाध्यक्ष बुद्धिसागर सापकोटाले धन्यवाद मन्तव्य सहित समापन गर्नुभएको थियो ।