लाओस (सायसेथा)/लाओ नेशनल चेम्बर्स अफ कमर्श एण्ड इष्डष्ट्रिजको निमन्त्रणामा आओस पुगेको नेपालका प्रतिनिधिमण्डलको टिमसँग लाओसको प्रमुख आर्थिक विकास क्षेत्रहरू मध्ये एक महत्वपूर्ण मानिएको सायसेथा आर्थिक क्षेत्रका प्रतिनिधिहरुबीच छलफल सम्पन्न भएको छ ।
औद्योगिक उत्पादन, रसद, सेवाहरू, आवासीय विकास र पारिस्थितिक–औद्योगिक शहर योजनाको उद्देश्यका साथ २०१० मा संयुक्त लाओस–चीन विकास परियोजनाको रूपमा स्थापित भएको सायसेथा आर्थिक क्षेत्र सायसेथा जिल्ला, भियन्टियान राजधानीमा अवस्थित रहेको छ ।
करीब १,०००–१,१४९ हेक्टर क्षेत्रफल ओगटेको उक्त क्षेत्रलाई लाओ–चीन संयुक्त उद्यम लगानी कम्पनी लिमिटेडले सञ्चालन गरेको यो क्षेत्र चिनियाँ र लाओ सरकार–सम्बद्ध लगानीकर्ताहरूको स्वामित्वमा रहेको छ ।
छलफलमा चितवन उद्योग संघका प्रतिनिधित्व मण्डलले संघका महत्वपूर्ण परियोजना, यसको सञ्चालन प्रक्रिया र देशको आर्थिक विकासको लागि संघले खेलेको भूमिका साथै सायसेथा आर्थिक क्षेत्रका प्रतिनिधि मण्डलले हल्का उत्पादन, कृषि प्रशोधन, इलेक्ट्रोनिक्स र मेसिनरी, नवीकरणीय÷नयाँ ऊर्जा, रसद र व्यापार, पर्यटन र सेवाहरूका क्षेत्रमा पु¥याएको योगदानको विषयमा छलफल गरिएको थियो ।
चितवन उद्योग संघका अध्यक्ष मदन घिमिरेको नेतृत्वमा सञ्चालन भएको अन्तर्राष्ट्रिय औद्योगिक भ्रमणमा लाओसका औद्योगिक क्षेत्र, खानी उद्योगहरु, विद्युत गृह, उत्पादनमूलक उद्योगहरु र पर्यटकीय तथा धार्मिक क्षेत्रहरुको अवलोकन हुनेछ । भने, सातदिने अन्तर्राष्ट्रिय औद्योगिक अवलोकन भ्रमणलाई चितवन उद्योग संघका उपाध्यक्ष एवम् भ्रमण विभागका विभागीय संयोजक विशाल चापागाईंले संयोजन गर्नुभएको छ ।
Advertisement
