भरतपुर/चितवन उद्योग संघको आयोजनामा जिल्ला प्रहरी कार्यालय चितवनका प्रहरी उपरीक्षक गोविन्द पुरीको सम्मानमा आयोजित फेरी भेटौला कार्यक्रम सम्पन्न

चितवन उद्योग संघका उपाध्यक्ष ताराबहादुर कार्कीको अध्यक्षतामा सम्पन्न कार्यक्रममा विशिष्ट व्यक्ति जिल्ला प्रहरी कार्यालय चितवनका प्रहरी उपरीक्षक गोविन्द पुरीले चितवन बसाईको क्रममा चितवनको औद्योगिक क्षेत्रको विकासमा पु¥याएको योगदानको उच्च कदर गर्दै सम्मान पत्रद्वारा सम्मान समेत गरिएको थियो ।

सम्मान पछि मन्तव्य राख्दै पुरीले चितवनको हरेक किसिमले निकै महत्वपूर्ण क्षेत्र रहेको र यहाँका उद्योगधन्दाहरुको विकासले देशको अर्थतन्त्रमा ठूलो टेवा पुगेको बताउनुभयो ।

फेरी भेटौला कार्यक्रममा चितवन उद्योग संघका पूर्व अध्यक्ष एवम् गभर्निङ काउन्सिलका अध्यक्ष भेषराज दुवाडी, चितवन उद्योग संघका उपाध्यक्ष दिनुपकुमार बराल, चितवन उद्योग संघ माडी समितिका अध्यक्ष जिताराम महतो, इच्छाकामना समितिका अध्यक्ष रामहरि कँडेल, चितवन उद्योग संघका कार्यसमिति सदस्यहरु ई.प्रदिप पौडेल, सरिता खनाल पौडेल, भरत दवाडी, माडी समितिका पूर्व अध्यक्ष भोजराज खनाल, माडी समितिका उपाध्यक्ष नारायणदत्त रिजाल, प्रहरी उपरीक्षक गोविन्द पुरीकी धर्मपत्नी शान्ति पुरी, संघका सञ्चार अधिकृत राजु भट्ट, कार्यक्रम अधिकृत कल्पना आचार्य, ग्राफिक्स डिजाइनर अजय महतो लगायतको उपस्थिति रहेको थियो ।

चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई चितवन उद्योग संघका उपाध्यक्ष ताराबहादुर कार्कीले धन्यवाद मन्तव्य सहित समापन गर्नुभएको थियो ।