भरतपुर/रोटरी क्लब अफ चितवनद्वारा सामुदायिक विद्यालयका शिक्षकहरूका लागि दुईदिने ICT तथा Artificial Intelligence (AI) तालिम सफलतापूर्वक सम्पन्न भएको छ । रोटरी क्लब अफ चितवनद्वारा आयोजित यस कार्यक्रमको मुख्य उद्देश्य सामुदायिक विद्यालय तथा शिक्षकहरूलाई डिजिटल साक्षरतामा सशक्त बनाउँदै प्रविधिमैत्री शिक्षण पद्धतिको विकासमा सहयोग पु¥याउनु रहेको थियो । रोटरी दण्डापाणी भट्टराई भवन, भरतपुर हाइट सञ्चालन गरिएको उक्त कार्यक्रम क्लबका अध्यक्ष रो.रामचन्द्र अधिकारीको सभापतित्वमा सम्पन्न भएको थियो । कार्यक्रममा स्वागत मन्तव्य क्लबका निर्वाचित अध्यक्ष रो. गेहेन्द्रमान श्रेष्ठले व्यक्त गर्नुभएको थियो ।

श्री कैलाशनगर माध्यमिक विद्यालय भरपुरका १५ जना शिक्षक शिक्षिकाहरूको सहभागिता रहेको उक्त तालिमको प्रशिक्षक ई.सन्तोष श्रेष्ठ रहनुभएको थियो । दुई दिनसम्म सञ्चालन गरिएको तालिममा शिक्षकहरूलाई आधारभूत कम्प्युटर सीप, इन्टरनेट तथा इमेल प्रयोग, एम.एस. अफिस÷गुगल वर्क स्पेस, डिजिटल सुरक्षा तथा शिक्षण क्षेत्रमा कृत्रिम बुद्धिमत्ता –एआई) को प्रभावकारी प्रयोग सम्बन्धी व्यावहारिक तथा उपयोगी प्रशिक्षण प्रदान गरिएको थियो ।

तालिमको समापन कार्यक्रममा प्रमुख अतिथिको रूपमा रोटरी डिस्ट्रिक्ट ३२९२, जोन ३४ का असिस्टेन्ट गभर्नर रो. धनबहादुर श्रेष्ठको उपस्थिति रहेको थियो । समापन समारोहमा अध्यक्ष रो. रामचन्द्र अधिकारीले समापन मन्तव्य व्यक्त गर्दै सूचना प्रविधि तथा एआई सम्बन्धि ज्ञानले शिक्षण सिकाइ प्रक्रियालाई थप प्रभावकारी, आधुनिक तथा प्रविधिमैत्री बनाउन महत्वपूर्ण भूमिका खेल्ने बताउनुभयो । साथै उहाँले यस्ता कार्यक्रमहरूलाई आगामी दिनमा समेत निरन्तरता दिने प्रतिबद्धता व्यक्त गर्नुभयो ।
कार्यक्रमको समापनमा सहभागी सम्पूर्ण शिक्षकहरूलाई प्रमाणपत्र वितरण गरिएको थियो भने प्रशिक्षकई. सन्तोष श्रेष्ठलाई क्लबको तर्फबाट मायाको चिनो प्रदान गरी सम्मान गरिएको थियो । सहभागी शिक्षकहरूले तालिम अत्यन्त फलदायी, ज्ञानवर्धक तथा व्यवहारिक भएको प्रतिक्रिया दिएका थिए ।
कार्यक्रमको संयोजन क्लब सदस्य रो. इ. प्रदीप भट्टराईले गर्नुभएको थियो भने उक्त कार्यक्रम क्लब सदस्य रो. रोशन खरेलले सञ्चालन गर्नुभएको थियो ।