नेपाल कुखुरा व्यवसायी मञ्चको आयोजनामा २०८३ सालको डायरी बिमोचन तथा नयां बर्षको शुभकामना आदानप्रदान कार्यक्रम यहि २०८२ चैत्र ३० गते सम्पन्न भएको छ । मञ्चका अध्यक्ष रघुनाथ भट्टको सभापतित्व र नेपाल पोल्ट्री महासंघका उपाध्यक्ष एंव मञ्चका पूर्व अध्यक्ष टिकाराम पोखरेलको प्रमुख आतिथ्यता, मञ्चका पूर्व अध्यक्ष ऋषिराम पोडेल, नेपाल ह्याचरी उद्योग संघ केन्द्रीय समितिका अध्यक्ष एंव मञ्चका निबर्तमान अध्यक्ष राजेन्द्र लामिछाने, बाग्मती प्रदेश उद्योग परिसंघका अध्यक्ष त्रिलोचन कडेंलको विशिष्ठ आतिथ्यतामा उक्त कार्यक्रम भएको थियो । कार्यक्रममा मञ्चका अध्यक्ष रघुनाथ भट्टले स्वागत मन्तव्य एंव कार्यक्रमको उद्देश्य माथी प्रकाश पार्दै आगामी २०८३ साल उद्योग व्यवसायको विकास र सम्बृद्धीको बर्ष बनोस सवैको मुहारमा खुशियाली छाओस भन्दै स्वागत मन्तव्य राख्नु भएको थियो । कार्यक्रममा पोल्ट्री क्षेत्रका संघ संस्थाको प्रतिनिधित्व गर्दै नेपाल लेयर्स कुुखुरापालक संघका अध्यक्ष बिनोद पोखरेलले शुभकामना व्यक्त गर्दै व्यवसायिक सहकार्य, समन्वय र एकतामा जोड दिनु भएको थियो । कार्यक्रममा विशिष्ठ अतिथि त्रिलोचन कडेंलले समग्र उद्योग व्यवसाय एंव पोल्ट्री क्षेत्रको अवस्थाका बारेमा प्रकाश पार्दै नयां बर्षले हर्ष उमंग ल्याअ‍ेोस भन्ने कामना गर्नु भएको भएको थियो कार्यक्रमका प्रमुख अतिथि नेपाल पोल्ट्री महासंघका उपाध्यक्ष टिकाराम पोखरेलज्यूले समग्र पोल्ट्री व्यवसायको अवस्था, व्यवसायिक एकता, समन्वय र सहकार्यका बारेमा प्रकाश पार्नु भएको थियो । कार्यक्रमको समापन मञ्चका बरिष्ठ उपाध्यक्ष प्रा. डा. रेवन्तकुमार भट्टराईले धन्यवाद ज्ञापन गर्दै सभा बिसर्जन गर्नु भएको थियो कार्यक्रमको संचालन मञ्चका महासचिव ज्ञानवहादुर बिसुरालले गर्नु भएको थियो । कार्यक्रममा डायरी प्रकाशन समितिका संयोजक हरिकृष्ण खनाल, कार्यक्रम संयोजक कृष्णहरी लोहनि एंव सदस्य तुलसीप्रसाद सुवेदीहरुको सहयोग प्रति विशेष धन्यवाद ज्ञापन गरिएको थियो । कार्यक्रममा मञ्चको कार्यसमितिका पदाधिकारी एंव सदस्यहरु, पूर्व अध्यक्षज्यूहरु, नेपाल लेयर्स कुखुरापालक संघका अध्यक्ष बिनोद पोखरेल, नेपाल पोल्ट्री सप्लायर्स कल्याणकारी संघका अध्यक्ष  महेश्वर पोखरेल एंव संघका पदाधिकारीहरु, चितवन नवलपुर दाना बितरक संघका अध्यक्ष बिरवहादुर गुरुड एंव पदाधिकारीहरु, नेपाल ह्याचरी उद्योग संघका पदाधिकारीहरु मञ्चका कार्यकारी अधिकृत शिवप्रसाद बराल एंव कर्मचारीहरुको सहभागिता रहेको थियो ।