भरतपुर/चितवन उद्योग संघको आयोजनामा २०८२ चैत्र २७ गतेदेखि २९ गतेसम्म भरतपुरमा आयोजना हुने “दशौं अन्तर्राष्ट्रिय औद्योगिक प्रदर्शनी–२०८२” को बागमती प्रदेशका मुख्यमन्त्री इन्द्र बहादुर बानियाँले उद्घाटन गर्नुहुने भएको छ ।

राष्ट्रिय बजारमा सहज पहुँच सुनिश्चित गर्ने, स्वदेशी वस्तुको प्रवद्र्धनमार्फत आयात प्रतिस्थापन र निर्यात वृद्धिलाई प्रोत्साहन गर्ने, लगानीकर्ता र स्टार्टअपहरूबीच प्रत्यक्ष भेटघाट (बिटुबि)का साथ आयोजना हुने प्रदर्शनीमा राष्ट्रिय आविष्कार केन्द्रको प्रविधि तथा मेशिनरीको साथै “मेक इन नेपाल स्वदेशी अभियान” मा आवद्ध उद्योगहरुको सहभागिताले नवप्रवर्तन कृषि, स्वास्थ्य, सूचना प्रविधि र उत्पादनका क्षेत्रमा टेवा पुग्ने विश्वास लिइएको छ ।

निःशुल्क प्रवेश रहेको प्रदर्शनीमा “नेपालको वर्तमान औद्योगिक अवस्था र भावी गन्तव्य” शीर्षकमा विषय विज्ञ र सरोकारवाला निकायहरुको सहभागितामा प्यानल छलफल कार्यक्रम हुने भएको छ ।