वृहत चितवन अटो एक्स्पो २०८३ को सम्झौता सम्पन्न
भरतपुर/चितवन उद्योग संघको चितवन प्रदर्शनी केन्द्रमा चितवन अटोमोबाइल डिलर्स एशोसियसन र चितवन अटोमोवाईल एशोसिएसनको संयुक्त आयोजनामा २०८३ बैशाख १७ देखि २१ गतेसम्म वृहत चितवन अटो एक्स्पो आयोजना हुने भएको छ ।

आज एक कार्यक्रमका बीच चितवन उद्योग संघका अध्यक्ष, मदन घिमिरे, चितवन अटोमोबाइल एशोसियशनका अध्यक्ष मोहन के.सी. र चितवन अटोमोबाइल डिलर्स एशोसियशनका अध्यक्ष इन्द्र रेग्मीले संयुक्त रुपमा एक्स्पो गर्ने विषयमा सम्झौता पत्रमा हस्तान्तरण गरेका छन । सम्झौता कार्यक्रममा चितवन अटोमोवाईल्स डिलर्स एशोसिएसनका निवर्तमान अध्यक्ष राजन पिया, चितवन उद्योग संघका उपाध्यक्ष गोपाल प्रसाद गैरे, संघका कार्यकारी निर्देशक गणेश प्रसाद सिलवाल, कार्यसमिति सदस्य शेषमणी भट्टराई, चितवन अटोमोवाईल्स डिलर्स एशोसिएसनका उपाध्यक्ष यज्ञप्रसाद पौडेल, संघका प्रशासकीय अधिकृत गोविन्द प्रसाद पौडेल, साकोस व्यवस्थापक प्रमिला थापा, सञ्चार अधिकृत राजु भट्ट लगायतको सहभागिता रहेको थियो ।