भरतपुर/चितवनको भरतपुरमा निःशुल्क थाइराइड चेकजाँच तथा विशेषज्ञ डाक्टरद्वारा परामर्श शिविर आयोजना हुने भएको छ।  “स्वास्थ्य नै सबैथोक हो, समयमा नै जाँच गरौं, स्वस्थ रहौं” भन्ने मूल नारासहित भरतपुर-१०,अस्पताल रोडस्थित ‘डाक्टर साथी प्याथोलोजी एण्ड हेल्थ होम केयर सर्भिसेस’ले  सो शिविर आयोजना गरेको हो।
आयोजकका अनुसार सो शिविरमा सहभागी हुने सेवाग्राहीलाई सम्पूर्ण ल्याब जाँचमा २० प्रतिशत छुट प्रदान गरिनेछ भने होलबडी चेकजाँच रु ३००० मा उपलब्ध गराइने व्यवस्था गरिएको छ।
उक्त शिविर यहि चैत ७ गते बिहान ७:०० बजेदेखि ११:०० बजेसम्म सञ्चालन हुनेछ। शिविर भरतपुर–१०, अस्पताल रोडस्थित भरतपुर सहकारी तालिम केन्द्र अगाडि आयोजना हुने बताईएको छ।
स्थानीय बासिन्दालाई लक्षित गरि संचालन हुन लागेको उक्त शिविर भरतपुर–१०, अस्पताल रोडस्थित प्रगति पोलिक्लिनिकको प्राविधिक सहयोगमा हुने भएको हो। स्वास्थ्य समस्या समयमै पहिचान गरी उपचारमा सहजता ल्याउने उद्देश्यले आयोजना गरिएको उक्त शिविरमा सहभागी भई लाभ लिन आयोजकले सर्वसाधारणलाई अनुरोध गरेको छ।

Advertisement