महाशिवरात्रीको पावन अवसरमा द अन्नपुर्ण स्कुल गोरखाका विद्यार्थीहरूले रानिपोखरि स्थित स्थानीय शिव मन्दिर परिसरमा बृहत् सरसफाई कार्यक्रम सम्पन्न गरेका छन्। विद्यालयका कक्षा ४, ५ र ६ मा अध्ययनरत विद्यार्थीहरूले मन्दिर र त्यस वरपरको क्षेत्रमा सरसफाई गरी समुदायलाई स्वच्छताको सन्देश दिएका हुन्। शिवरात्रीमा भक्तजनहरूको चाप बढ्ने हुँदा मन्दिरलाई सफा र व्यवस्थित राख्न विद्यार्थीहरूले स्वस्फूर्त रूपमा यो कार्य गरेका हुन्। उक्त कार्यक्रममा विद्यार्थीहरूले मन्दिरको मुख्य प्राङ्गण, प्रवेशद्वार र आसपासका सडकहरूमा थुप्रिएका फोहोर र प्लाष्टिकजन्य वस्तुहरू संकलन गरी उचित व्यवस्थापन गरेका थिए। साना बालबालिकाहरूको यस्तो सेवाभाव देखेर स्थानीय भक्तजन र मन्दिर व्यवस्थापन समितिले समेत प्रशंसा गरेका छन्। विद्यार्थीहरूलाई किताबी ज्ञानका साथै सामाजिक उत्तरदायित्व र आफ्नो धर्म-संस्कृतिको जगेर्ना गर्ने शिक्षा दिन यो कार्यक्रम आयोजना गरिएको हो। विद्यार्थीहरूले हातमा पञ्जा र सफाइका सामग्री बोकेर निकै उत्साहका साथ मन्दिर क्षेत्रलाई सुन्दर बनाएका थिए। यस कार्यले विद्यार्थीहरूमा सानै उमेरदेखि सामाजिक सेवाको भावना जागृत गराउनुका साथै वातावरण संरक्षणमा समेत टेवा पुग्ने विश्वास लिइएको छ। स्थानीय सञ्चारमाध्यमहरूले पनि बालबालिकाको यो कदमलाई उदाहरणीय कार्यका रूपमा प्रचार-प्रसार गरिरहेका छन्।