भरतपुर/चितवन मेटल इन्जिनियरिङ्ग सामुहिक हार्डवेयर प्रा.लि.को वार्षिक साधारणसभा तथा अधिवेशन सम्पन्न भएको छ ।
चितवन मेटल इन्जिनियरिङ्ग सामुहिक हार्डवेयर प्रा.लि.का अध्यक्ष तारा बहादुर कार्कीको अध्यक्षतामा सम्पन्न कार्यक्रममा चितवन मेटल इन्जिनियरिङ्ग सामुहिक हार्डवेयर प्रा.लि.का सचिव दुर्गालाल सापकोटाले स्वागत मन्तव्य सहित सचिवको प्रतिवेदन प्रस्तुत गर्नुभएको थियो ।
कार्यक्रममा चितवन मेटल इन्जिनियरिङ्ग सामुहिक हार्डवेयर प्रा.लि.का अध्यक्ष तारा बहादुर कार्कीले अध्यक्षको प्रतिवेदन, सिए प्रकाश लामिछानेले आर्थिक प्रतिवेदन प्रस्तुत गर्नुभएको थियो ।
कार्यक्रममा चितवन मेटल इन्जिनियरिङ्ग एण्ड फेब्रिकेशन उद्योग समितिका बरिष्ठ उपाध्यक्ष मोहनलाल श्रेष्ठ र कार्यसमिति सदस्य राजन पौडेलले शुभकामना मन्तव्य राख्नुभएको थियो ।
कार्यक्रममा संस्था स्थापनाकालदेखि हालसम्म संस्थाबाट सामान खरिद गर्नेहरु उद्योगीहरु मध्ये प्रथम हुन सफल डि.एस.बि.आइरन उद्योग, द्धितीय हुन सफल अविनाश ह्याचरी, तृतीय हुन सफल त्रिदेव इन्जिनियरिङ्ग वक्र्सलाई सम्मान गरिएको थियो । कार्यक्रम चितवन मेटल इन्जिनियरिङ्ग एण्ड फेब्रिकेशन उद्योग समितिकाका उपाध्यक्ष राजकुमार श्रेष्ठले सञ्चालन गर्नुभएको थियो भने अध्यक्षको अनुमतिले धन्यवाद मन्तव्य सहित समापन समेत गर्नुभएको थियो ।