भरतपुर/नेकपा एमाले भरतपुर महानगरपालिका वडा नम्बर २ कमिटीको आज मंगलबार सम्पन्न पूर्ण बैठकले फागुन २१ गते हुने प्रतिनिधि सभा निर्वाचनका लागि ५ सय १ सदस्यीय निर्वाचन परिचालन कमिटी-२०८२ गठन गरेको छ । बैठकले नेकपा एमाले चितवन जिल्ला सदस्य तथा वडा नं २ का वडा इन्चार्ज नवराज ढकालको संयोजकत्वमा उक्त संख्याको निर्वाचन परिचालन कमिटी गठन गरेको हो ।
कमिटीमा भरतपुर-२ बाट एमाले जिल्ला कमिटीमा प्रतिनिधित्व गर्नुहुने सदस्यहरू, जिल्ला सल्लाहकारहरू, पार्टी वडा कमिटीका पदाधिकारी तथा सदस्यहरू, निर्वाचित वडा जनप्रतिनिधिहरू, विभिन्न जनसंगठनका केन्द्रीय, प्रदेश, जिल्ला तथा पालिका स्तरीय पदाधिकारी तथा सदस्यहरू समेटिएका छन् ।
निर्वाचन परिचालन कमिटीको सचिवमा पार्टी वडा सहसचिव सुरज सापकोटा रहेका छन्।  बैठकले एमाले बागमती प्रदेश सल्लाहकार तथा भरतपुर २ का पूर्व वडाअध्यक्ष पूर्ण बहादुर श्रेष्ठको संयोजकत्वमा निर्वाचन परिचालन अनुगमन समिति गठन गरेको छ ।
त्यसैगरी बैठकले निर्वाचन प्रचार प्रसार समितिको संयोजकमा केशव थापा निरू, आर्थिक व्यवस्थापन संयोजकमा श्रीराम पाण्डे, युवा परिचालन संयोजकमा चित्रमाया गुरुङ्ग, महिला परिचालन संयोजकमा कल्पना सापकोटा, निर्वाचन बुथ परिचालन संयोजकमा सुरज सापकोटा चयन गरेको छ ।
बैठक नेकपा एमाले भरतपुर २ की अध्यक्ष बेलपत्र श्रेष्ठको अध्यक्षतामा र एमाले बागमती प्रदेश सल्लाहकार तथा भरतपुर २ का पूर्व वडाअध्यक्ष पूर्ण बहादुर श्रेष्ठको प्रमुख आतिथ्यतामा सम्पन्न भएको थियो ।
नेकपा एमालेले भरतपुर महानगरपालिका वडा नम्बर २ समेत पर्ने चितवन निर्वाचन क्षेत्र नम्बर २ बाट अश्विन घिमिरेलाई उम्मेदवार उठाएको छ ।
भरतपुर महानगरपालिका वडा नम्बर २ मा ८ हजार ६ सय ५७ जना मतदाताहरू रहेका छन्।