भरतपुर/जिमका पारखीहरुको ध्यानमा राखेर चितवन फिजिकल फिटनेस सेन्टर/चितवन जिम हाउसले भरतपुर–१० रिजालचोक स्थित जिम हल प्राङ्गणबाट Equipment Supplier को सेवा शुभारम्भ गरेको छ । यसअघि उक्त सेवा भरतपुरको चौबीसकोठीबाट प्रदान गरिदै आइएको थियो ।
कार्यक्रमलाई परिवेश टोल विकास समितिका अध्यक्ष दिनेश कटुवालले रिबन काटेर शुभारम्भ गर्नुभएको थियो । कटुवालले व्यस्त जीवनशैलीमा रहेका मानिसहरुलाई स्वस्थ राख्नका लागि व्यायाम निकै महत्वपूर्ण रहेको बताउनुभयो । जिमका पारखीहरुको लागि सबै कुरा एकै ठाउँबाट प्राप्त गर्न सकिने यस Equipment Supplier को सफलताको शुभकामना व्यक्त गर्नुभयो ।
आजबाट शुरु गरिएको सप्लायरमा व्यायामका साथै त्यसका लागि निकै उपयोगी जिम सामाग्रीहरु -Hand Strengtheners, Exercise Bands, Fitness Gloves, Dumbbells, Exercise Balls, Jump Ropes, Body Weights, Kettlebells), जुम्बा र जिममा प्रयोग हुने विभिन्न आकर्षक डिजाइनका कपडाहरु, जिम प्रयोगकर्ताहरुको लागि आवश्यक पोटिनयुक्त खानका आईटमहरु एकै थलोमा बिक्री वितरण हुने चितवन जिमका प्रवन्ध निर्देशक प्रकाश गुरुङले जानकारी गराउनु भयो ।
चितवन जिमले घर, अफिस र संघ–संस्थाहरुको लागि आवश्यक जिमका सामाग्रीहरु उपलब्ध गराई होम डेलिभरीको समेत व्यवस्था गर्दै आएको, नयाँ जिम खोल्न चाहनेहरुको निःशुल्क परामर्शका साथ सामग्रीहरु उपलब्ध गराउँदै आएको छ ।
२०५१ सालमा स्थापना भएको चितवन जिमले भरतपुरको क्षेत्रपुर, रिजालचोक तथा नवलपुरको गैंडाकोट गरि तीन स्थानबाट सेवा दिइरहेको छ । चितवनकै पहिलो जिम हाउसको रुपमा नारायणगढबाट चितवन जिम हाउसले सेवा सुरु गरेको थियो । चितवनकै पहिलो र एक मात्र जिम हाउसले जिमसँग ५० जनाको क्षमताको जुम्बा हलमा जुम्बाका कक्षाहरु पनि सञ्चालन गरिएको छ ।
जिमप्रेमी तथा स्थानीयहरुको उपस्थितिमा शुभारम्भ भएको इकुमेण्ट सप्लायर उद्घाटन कार्यक्रमलाई चितवन जिमका प्रमुख सल्लाहकार राकेशमान श्रेष्ठले सञ्चालन गर्नुभएको थियो ।