भरतपुर/नेपाल क्रेट उत्पादक संघको कार्यसमितिको शुक्रबार बसेको पहिलो विशेष बैठकबाट सचिवमा सुवास अर्याल र कोषाध्यक्षमा दयानीधि अर्याललाई चयन गरेको छ । संघको दोश्रो साधारण सभा एवं अधिवेशनमा सदस्य पदमा चयन हुनुभएका अर्यालद्धयलाई संघका अध्यक्ष मुन्ना पाण्डे (अमन) को संयोजकत्वमा सम्पन्न विशेष बैठकबाट चयन गरिएको हो । चयन भएका सचिव र कोषाध्यक्षहरुलाई पूर्ण रुपमा आ–आफ्नो जिम्मेवारी वहन गर्न समेत आग्रह गरिएको थियो ।
बैठकमा संघका निवर्तमान अध्यक्ष दण्डपाणी भट्टले संघका अध्यक्ष मुन्ना पाण्डे (अमन) लाई माईन्युट हस्तान्तरण समेत गर्नुभएको थियो । बैठकमा क्रेट उद्योगी गजेन्द्र अधिकारी लगायत क्रेट उत्पादक संघका पदाधिकारी एवं सदस्य उद्योगीहरुको सहभागिता रहेको थियो ।
बैठकले अबका दिनमा क्रेट उत्पादकहरुका समस्याहरुलाई पहिचान गरी समाधानको बाटोतर्फ लाग्न पहल गर्ने, क्रेट उत्पादकका जायेज मागहरुलाई तिनै तहका स्थानीय, प्रदेश र संघीय सरकारसँग पहल गर्ने, संस्थालाई अझ मजबुद र व्यवस्थित बनाउन सदस्यता बिस्तारको योजना सहितका कार्यक्रमहरु ल्याउने संघका अध्यक्ष पाण्डे जानकारी दिनुभयो ।
