जाजरकोट/एनआरएनए बेल्जियमको निबर्तमान समितीले २ बर्ष पहिला गएको बिकाशकारी महाभुकम्प बाट क्षेतबिक्षेत बनेको जाजरकोटको नलगाड नगरिपालिका ४ स्थित बाउसेखोलामा रहेको श्री ज्ञानोदय प्राथमिक बिद्यालय भवनको उद्घाटन कार्यक्रम सम्पन्न भएको छ। ३ कोटाको पक्की भवन र बाबु नानीहरुको लागी छुट्टा छुट्टै २ पक्की शचालय गरी रु ३० लाख खर्चेर निर्माण गरिएको उक्त भवन जाजरकोट जिल्ला समन्वय समितीका अध्यक्ष काली प्रसाद खत्रीको प्रमुख आतिथ्यतामा सम्पन्न भएको थियो । भवन उद्घाटन कार्यक्रमममा नलगाड नगरपालिकाका नगर प्रमुख डम्बर बहादुर रावत, उपप्रमुख र प्रमुख जिल्ला अधिकारी राजु प्रसाद पौडेलको बिशेष आतिथ्यता तथा तिनै तहका सुरक्षा निकायका प्रमुखहरु,जिल्ला समन्वय समितीका सदस्य चित्र शर्मा, राजनीतिक दलका प्रतिनिधीहरु, वडा अध्यक्ष बद्री पन्त तथा अन्य जनप्रतिनिधीहरु,लगायत सिंगो जिल्लाका प्रमुखहरुको उपस्थिती रहेको थियो ।
त्यसैगरी एनआरएनए बेल्जियमको बर्तमान समितीले स्कुलको लागी एउटा ल्यायटप र ७७ जना बिद्यार्थीहरुको लागी न्यानो लत्ता कपडा अध्यक्ष कमल पन्थीको उपस्थितीमा बितरण गरिएको थियो।
कार्यक्रममा प्रत्यक्ष वा अप्रत्यक्ष रुपमा जोडिनु भएका बेल्जियम निवासी ओम शर्मा, तिलक आचार्य, आर्थिक सहयोग संकलन गर्न च्यारिटी अभियानमा लाग्नु भएको कार्यक्रम सॅयोजक योगेन्द्र श्रेष्ठ, उप–संयोजक निबर्तमान उपाध्यक्ष लोकेन्द्र नेपाल, ब्यबस्थापन समितीका संयोजक रमेश सापकोटा तथा निबर्तमान समितीका पदाधिकारीहरु, सदस्यहरु, आईसिसी सदस्यहरु, सल्लाहकारहरु, संरक्षकहरु, पुर्व केन्द्रिय पदाधिकारीहरु,बेल्जियम स्थित बिभिन्न संघ संस्थाका अध्यक्षहरु एव समस्त बेल्जियमवासी आदारणिय परोपकारी मनका धनी वुवा आमा दाजु भाई तथा दिदी बहिनीहरुलाई हार्दिक हार्दिक धन्यवाद व्यक्त गरियो । उक्त स्कुल निर्माणार्थ बेल्जियम भन्दा बाहिर निदरल्यान्डका निबर्तमान अध्यक्ष थानेश्वर कंडेलबाट समेत ५०० युरो सहयोग भएको एनआरएनए बेल्जियमकी निबर्तमान अध्यक्ष सीता सापकोटाले जानकारी दिनुभयो ।