भरतपुर/चितवन उद्योग संघको आयोजनामा संघको १८ औं कार्यसमिति, पालिका समिति, महिला तथा युवा उद्यमी मञ्चको नेतृत्व अभिमुखीकरण कार्यक्रम सम्पन्न भएको छ ।

चितवन उद्योग संघका अध्यक्ष मदन घिमिरेले स्वागत मन्तव्य सहित कार्यक्रमको उद्देश्य माथि प्रकाश पार्नुभएको कार्यक्रममा चितवन उद्योग संघका कार्यकारी निर्देशक गणेश प्रसाद सिलवालले अनुशिक्षणात्मक प्रस्तुतिकरण, चितवन उद्योग संघका पूर्व अध्यक्ष हरि प्रसाद सुवेदीले संघको ऐतिहासिक विकासक्रम, चितवन उद्योग संघका पूर्व अध्यक्ष एवम् गभर्निङ काउन्सिलका अध्यक्ष भेषराज दुवाडीले संघ सवलीकरणमा संस्थागत सम्बन्ध र संघका अंगहरुको भूमिका, चितवन उद्योग संघका पूर्व अध्यक्ष एवम् गभर्निङ काउन्सिलका उपाध्यक्ष राजु पौडेलले दिगो उद्यमशिलताका लागि उद्योगीका भूमिका र व्यवसाय निरन्तरताका लागि उत्प्रेरणात्मक प्रस्तुतिकरण राख्नु भएको थियो ।

कार्यक्रम अन्तर्गत संघको १८ औं कार्यसमितिमा मनोनित गर्न बाँकी सदस्यहरु मध्ये तीन सदस्यहरु भरतपुर–०९, चितवनमा रहेको क्वालिटी प्रेसका सञ्चालक अर्जुन प्रसाद सापकोटा, भरतपुर–१२, चितवनमा रहेको मोनालिसा डेभलपर्स प्रा.लि.का सञ्चालक रामप्रसाद पोखरेल, भरतपुर–१४, चितवनमा रहेको बि.डि.सि.फुड्स प्रा.लि.का सञ्चालक सुबास पौडेललाई मनोनित गरिएको थियो । मनोनित सदस्यहरुलाई चितवन उद्योग संघका अध्यक्ष मदन घिमिरेले सपथ ग्रहण गराउनु भएको थियो ।

कार्यक्रममा चितवन उद्योग संघका संस्थापक अध्यक्ष दिल बहादुर ताम्राकार, चितवन उद्योग संघका पूर्व अध्यक्ष एवम् गभर्निङ काउन्सिलका निवर्तमान अध्यक्ष गुणाकर खरेल, चितवन उद्योग संघ, पूर्व अध्यक्ष त्रिलोचन कँडेल, चितवन उद्योग संघका कानूनी सल्लाहकार एवम् चितवन जिल्ला अदालत वार एशोसिएसनका अध्यक्ष फुलमाया रानाभाट, चितवन उद्योग संघ, पूर्व कार्यसमिति क्लवका अध्यक्ष बद्री प्रसाद अधिकारी, संघका पदाधिकारी एवम् सदस्यहरु, चितवन उद्योग संघ, महिला उद्यमी मञ्चका पदाधिकारी एवम् सदस्यहरु, चितवन उद्योग संघ, युवा उद्यमी मञ्चका पदाधिकारी एवम् सदस्यहरु, चितवन उद्योग संघ पालिका समितिका पदाधिकारी एवम् सदस्यहरु लगायतको उपस्थिति रहेको थियो । चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई चितवन उद्योग संघका उपाध्यक्ष गजेन्द्र अधिकारीले धन्यवाद सहित समापन गर्नुभएको थियो ।