चितवन/पुर्बी चितवनको रत्ननगरमा अखिल नेपाल महिला संघ (क्रान्तिकारी) रत्ननगर नगरसमितिको आयोजनामा तीज तथा जितिया पर्वको अवसरमा विशेष शुभकामना आदानप्रदान कार्यक्रम सम्पन्न भएको छ।

कार्यक्रमका प्रमुख अतिथि अखिल नेपाल महिला संघ (क्रान्तिकारी) केन्द्रीय महासचिब एबम भरतपुर महानगरपालिकाकी मेयर रेनु दाहाल रहनु भएको थियो । त्यस्तै कार्यक्रमको विशिष्ट अतिथिहरूमा माओबादी केन्द्रका केन्द्रीय सदस्य एबम जिल्ला इन्चार्ज घनश्याम दाहाल अबिनास , केन्द्रीय सदस्य कञ्चन खनाल र प्रदेश कोषाध्यक्ष संगीत भट्टराई तथा अतिथिहरूमा प्रदेश सचिवालय सदस्य पूर्ण बहादुर अमगाई सुबोध, दिपक शाही सुरेश ,अखिल नेपाल महिला संघ (क्रान्तिकारी) जिल्ला अध्यक्ष सर्मिला गोले र नेकपा (माओबादी केन्द्र ) रत्ननगर नगरसमितिका अध्यक्ष मेघनाथ पौडेल लगायत रहनु भएको थियो।

अखिल नेपाल महिला संघ (क्रान्तिकारी) रत्ननगरकी अध्यक्ष चन्द्रकला पनेरुको अध्यक्षतामा भएको कार्यक्रममा सञ्चालन सचिव चन्द्रकला पौडेलले गर्नुभएको थियो भने स्वागत उपाध्यक्ष सीता नेपालले गर्नुभएको थियो ।

कार्यक्रममा दिदीबहिनीहरूले आफ्नै रचनामा आधारित मौलिक तीज गीतहरू तथा थारु समुदायको परम्परागत झाम्टा नृत्य प्रस्तुत गरेका थिए। सांस्कृतिक विविधता, मौलिकता र उत्साहपूर्ण सहभागिताले कार्यक्रमलाई थप रमाइलो बनाएको थियो।

५०० जना भन्दा बढी महिला दिदीबहिनीहरूको उपस्थितिमा सम्पन्न कार्यक्रममा महिला एकता, सांस्कृतिक संरक्षण र सामाजिक सन्देश दिएको अध्यक्ष चन्द्रकला पनेरुले जानकारी दिनुभयो ।