देवघाट/अन्तर्राष्ट्रिय युवा दिवस २०२५ को अवसरमा दिगो विकास लक्ष्य (SDG) नं. ४ गुणस्तरिय शिक्षा अन्तर्गत कालिका माध्यमिक विद्यालय, देवघाट–५, क्युँदीमा ‘Life Skills & Public Speaking Workshop’ सम्पन्न भएको थियो।
कार्यक्रमको स्वागत मन्तव्य देवघाटधाम जेसीज २०२५ का कार्यकारिणी उपाध्यक्ष रक्षा कार्कीले प्रस्तुत गर्नुभएको थियो।
प्रमुख प्रशिक्षकका रूपमा नेपाल जेसीज २०२५ का TOT बाट दिक्षित प्रशिक्षक देवघाटधाम जेसीज २०२५ का निवर्तमान अध्यक्ष रघु मल्लले जीवन उपयोगी सीप, नेतृत्व क्षमता, समय व्यवस्थापन, उद्घोषण कला , समस्या समाधान र प्रभावकारी सार्वजनिक भाषणसम्बन्धी विषयमा व्यवहारिक प्रशिक्षण प्रदान गर्नुभएको थियो।
प्रमुख अतिथि विद्यालयका प्रधानाध्यापक शरदचन्द्र खनालले भनिएको थियो, “यस्ता कार्यशालाले विद्यार्थीहरूमा आत्मविश्वास र सिर्जनशीलता बढाएको छ। विद्यालयमा निरन्तर यस्ता अवसर सिर्जना गर्न आवश्यक छ।”
सभापति देवघाटधाम जेसीज २०२५ का अध्यक्ष प्रशन्न ढकालले आफ्नो मन्तव्यमा भनेका थिए, “युवाहरूको नेतृत्व विकास, सकारात्मक सोच र जीवन सीप वृद्धिमा जेसीजको अभियान निरन्तर रहनेछ। विद्यार्थीहरूले आज सिकेका सीप जीवनभर उपयोग गर्ने विश्वास लिएका छौं।”
प्रमुख प्रशिक्षक श्री रघु मल्लले प्रशिक्षणको क्रममा बताएका थिए, “सार्वजनिक भाषण केवल शब्दको खेल होइन, यो आत्मविश्वास र तयारीको मिश्रण हो। जीवन सीप भनेको हरेक चुनौतीको समाधान खोज्ने क्षमता हो।”
कार्यक्रमको संयोजन देवघाटधाम जेसीज २०२५ का तालिम आयुक्त स्वस्तिका धितालले गर्नुभएको थियो।
सहायक प्रशिक्षकमा देवघाटधाम जेसीज २०२५ का उपाध्यक्ष डा. सम्राट अधिकारी रहनुभएको थियो भने कार्यक्रम सञ्चालन महासचिव अर्जुन सुवेदीले गर्नुभएको थियो।
कार्यशालामा कालिका माध्यमिक विद्यालयका ४१ जना विद्यार्थी तथा देवघाटधाम जेसीजका पदाधिकारीहरूको सक्रिय सहभागिता रहेको थियो। आयोजक संस्थाका अनुसार, यस कार्यशालाले विद्यार्थीहरूको आत्मविश्वास, संचार कौशल र व्यक्तित्व विकासमा महत्वपूर्ण योगदान पुर्याएउनेछ ।
