चितवन/भुमि समस्या समाधान आयोग चितवनले रत्ननगर १२ स्थित सालघारीमा लालपुर्जा वितरण गरिएको छ। जिल्ला समन्वय समिति चितवनको प्रमुख नारायण अधिकारीकाे प्रमुख आतिथ्यतामा र आयोगका अध्यक्ष इमानसिंह लामाको अध्यक्षतामा लालपुर्जा वितरण कार्यक्रम गरिएको थियो। रत्ननगर नगरपालिका – १२ सालघारी गाउँका भुमिहिन सुकुम्बासीहरु ९२ बर्षिय दिल कुमारी याेगी, दुर्गामाया सुनार, रामबहादुर सुनार, टिकानाथ याेगी, सविना ढकाल, खाेम्बा बहादुर खड्का लगायतले लालपुर्जा प्राप्त गरेका थिए । लालपुर्जा प्राप्त भए पछि बृद्ध अबस्थाका आमा खुशीले आँसु थाम्न सकिनन् र भनिन् धन्यवाद।

कार्यक्रममा आयोगका सदस्य सचिव श्रीधर ढुंगाना,सदस्य द्वय लक्ष्मिकान्त दवाडी, अञ्जना गौतम , मालपोत कार्यालयका प्रमुख समेतको उपस्थिति रहेको थियोे भने बिज्ञ सदस्य करुणचन्द्र घिमिरे ले संचालन गर्नु भएको थियोे ।

आयोगले सुकुम्बासी, दलित र अव्यवस्थित बसोबासी जग्गा धनीलाई लालपुर्जा छिटोछरितो प्रदान गर्न विभिन्न पालिका तथा वडामा फिल्ड अनुगमन र घर दैलो कार्यक्रम तिब्र पार्दै लालपुर्जा बितरण कार्यलाई निरन्तरता दिएको हो। यसभन्दा अगाडि चितवनका भरतपुर महानगरपालिका र रत्ननगर पालिकाको केही वडामा लालपुर्जा बितरण समेत भएको थियो।