नेपाललाई पुनः वैदिक सनातन हिन्दुराज्य कायम गराउन माग
जय सनातन अभियान नेपालले श्रावण १५ का अवसरमा सबै सनातनीहरुमा शुभकामना आदानप्रदान गर्दै खिर खाएर मनाएको छ ।
हिन्दु धर्म र संस्कृतिको संरक्षण जगेर्नाका लागि परापूर्व कालदेखि चलिआएको संस्कृतिलाई जीवन्त तुल्याउन निरन्तरता दिइएको जय सनातन अभियानले जनाएको छ ।
विश्व हिन्दु महासंघ, चितवन र विश्व हिन्दु युवा संघ, चितवनको सहआयोजनामा सो कार्यक्रम गरिएको हो ।
विश्व हिन्दु युवासंघका अध्यक्ष श्याम पौडेलको अध्यक्षतामा भएको कार्यक्रममा परमपुज्य गुरु १००८ स्वामी डा. बिमलनन्द सरस्वती महाराजज्युको प्रमुख आतिथ्यता रहेको थियो ।
कार्यक्रमलाई सम्बोधन गर्नुहुँदै उहाँले नेपाललाई पुनः वैदिक सनातन हिन्दुराज्य बनाउनुपर्ने धारणा राख्नुभयो । बहु जाती, बहु भाषी, संस्कृति भएको मुलुकलाई जबर्जस्त धर्मनिरपेक्षता बनाएर सरकारले ठुलो गल्ती गरेको बताउनुभयो ।
अबपनि राजनीति दलका नेता र सरकारले हिन्दुत्वको सिद्धान्त अनुसरण नगरे अबको ८४ मा बढारिने बाहेक अर्को विकल्प नभएको जिकिर गर्नुभयो ।
त्यस्तै विश्व हिन्दु महासंघ चितवनका अध्यक्ष प्रेम गैरेले विश्वका सबै सनातनी हिन्दुहरुलाई एकत्रित गराउन आबश्यक रहेको बताउनुभएको छ । एकापसमा भाइचाराको सम्बन्ध कार्यम राख्न अपरिहार्य भएको भन्दै उहाँले महासंघ सधैं प्रतिबद्ध रहेको बताउनुभयो ।
उहाँले सरकारलाई हिन्दु धर्मको जगेर्ना गराउन र पुनः वैदिक सनातन हिन्दु राज्य कायम गराउन ध्यानाकर्षण गराउदै आएको स्मरण गराउनुभयो ।
विश्व हिन्दु युवा संघ चितवनका अध्यक्ष श्याम पौडेलले परापूर्वकालदेखि चल्दै आएको परम्परालाई पुनर्ताजगी दिन सो कार्यक्रम गरिएको बताउनुभयो ।
धर्म संस्कृतिको जगेर्ना गर्नु आफूहरुको प्रमुख ध्यय रहेको बताउनुभयो । पछिल्लो समय करकापमा पश्चिमी संस्कृतिको प्रभावमा पार्न खोज्ने जबर्जस्त धर्म परिवर्तन गराउने जोकोहीलाई पनि कानुनी कठधारामा ल्याउनुपर्ने धारणा राख्नुभयो ।
चितवनमा स्थापनाकालिनदेखि आफूहरु धर्म परिवर्तन गराउदै आउनेका विरुद्ध लड्दै आएको अध्यक्ष पौडेलको भनाइ थियो ।
यसैगरी बागमती प्रदेशसभा सदस्य एवं पूर्वमन्त्री उत्तम जोशीले आफू सधैं देशलाई हिन्दुत्व प्रदान गराउन लागेको बताउनुभयो ।
हाम्रा मौलिक चाडपर्वहरुले एकता, सहयोग र हौसला प्रदान गराउन महत्त्वपूर्ण भूमिका स्मरण गर्दै आएको बताउनुभयो ।
बिगतमा जबर्जस्त बहुसंख्यक हिन्दुराज्य भएको मुलुकलाई धर्मनिरपेक्ष बनाउनु नै सरकारको मुख्य कमजोरी भएको औंल्याउनुभयो ।
कार्यक्रममा विश्व हिन्दु महासंघ नेपालका अध्यक्ष डा. रामचन्द्र अधिकारी बागमती प्रदेस सभा सदस्य ज्ञानजङ्ग लामा भरतपुर महानगरका उपप्रमुख चित्रसेन अधिकारी लगायतका विभिन्न धार्मिक तथा सामाजिक व्यक्तित्वहरुको सहभागीता थियो ।
