बुलिङटारबुलिङटार गाउँपालिका वडा नं. ४ चुलीबोझामा निःशुल्क स्वास्थ्य शिविर सफलतापूर्वक सम्पन्न गरिएको छ । उक्त कार्यक्रम रोटरी क्लब अफ चितवन, रोट्रयाक्ट क्लब अफ चितवन, स्पाउस क्लब अफ चितवन, तथा देवचुली मिलन युवा क्लबको संयुक्त पहलमा, र कलेज अफ मेडिकल साइन्सेस, भरतपुर अस्पताल, र नारायणी सामुदायिक अस्पतालको प्राविधिक सहयोगमा आयोजित गरिएको थियो। कार्यक्रम रोटरीको मातृ तथा शिशु स्वास्थ्य महिनाको अवसरमा आयोजना गरिएको हो, जसको उद्देश्य ग्रामीण समुदायका आमाबुबा र बालबालिकालाई अत्यावश्यक स्वास्थ्य सेवा पहुँचमा ल्याउनु हो ।
स्वास्थ्य शिविर रोटरी क्लब अफ चितवनका अध्यक्ष रो. रामचन्द्र अधिकारीको अध्यक्षतामा तथा वडा अध्यक्ष मिन बहादुर आलेको प्रमुख आतिथ्यमा सम्पन्न भएको थियो। कार्यक्रममा अतिथिका रूपमा वडा सदस्य बेलबहादुर गाहा मगर, तीनकन्या आधारभूत विद्यालयका अध्यक्ष कुल बहादुर गाहा, चुलीबोझा टोल विकास संस्थाका अध्यक्ष नौला सिंह मगर, आमा समूहकी अध्यक्ष तौमाया बराल, देवचुली मिलन युवा क्लबका अध्यक्ष ओमप्रकाश राना मगर, तथा शिक्षक अभिभावक संघका अध्यक्ष वीरबहादुर स्याञ्जलीको उल्लेखनीय उपस्थिति रहेको थियो ।
कार्यक्रममा रो. गुनेश्वर महतोले कार्यक्रमको उद्देश्य र महत्वबारे प्रकाश पार्दै रोटरीको समुदाय प्रतिको निरन्तर सेवा भावना झल्किएको उल्लेख गर्नुभयो। देवचुली मिलन युवा क्लबका अध्यक्षले रोटरी क्लबले गरेको कार्यको सराहना गर्दै आगामी दिनहरूमा पनि यस्ता सामुदायिक कार्यक्रमहरूमा सहकार्य गर्दै जाने प्रतिबद्धता व्यक्त गर्नुभयो । वडा अध्यक्षले कार्यक्रमको प्रभावकारिता र सफल व्यवस्थापनको प्रशंसा गर्नुभयो । सम्पूर्ण कार्यक्रमको सञ्चालन सचिव रो. लोमस अधिकारीले सहज रूपमा गर्नु भएको थियो ।
स्वास्थ्य शिविरले समुदायको स्वास्थ्य प्रवद्र्धन, प्रारम्भिक रोग पहिचान, रोग रोकथाम र स्वास्थ्य सम्बन्धी सचेतना अभिवृद्धिमा केन्द्रित रहेको थियो । शिविरबाट चुलीबोझा, बोझापोखरी, र देउराली क्षेत्रका १०५ भन्दा बढी स्थानिय बासिन्दाहरूले बालरोग, स्त्रीरोग, मधुमेह, रक्तचाप जाँच, स्वास्थ्य परामर्श, तथा निःशुल्क औषधि वितरण सेवा प्राप्त गरेका थिए । ७ जना चिकित्सक र ११ जना स्वास्थ्यकर्मीसहितको १८ जनाको स्वास्थ्य टोलीले शिविरमा सेवा पु¥याएको थियो । कार्यक्रममा रोटरीयन, रोट्¥याक्टर, स्पाउस तथा स्थानियहरुको सक्रिय सहभागिता रहेको थियो ।
त्यस्तै रोटरी क्लब अफ चितवनले रोट्रयाक्ट क्लब अफ चितवन र स्पाउस क्लब अफ आरसी चितवनको सहकार्यमा नवलपरासीस्थित बुलिङटार गाउँपालिका वडा नं. ४ चुलीबोझामा एक विशाल वृक्षारोपण कार्यक्रम सफलतापूर्वक सम्पन्न गरेको छ । यो स्थान रोटरी क्लब अफ चितवन अन्तर्गतको रोटरी कम्युनिटी कोप्र्स (आरसिसि) गाउँ भएकोले यस कार्यक्रममा सामुदायिक स्तरमा रोटरीको प्रत्यक्ष संलग्नता थप सशक्त भएको छ ।
वृक्षारोपण कार्यक्रम रोटरी डिष्ट्रिक्ट ३२९२ द्वारा तय गरिएको “एकै दिनमा ५०,००० बिरुवा रोप्ने अभियान“ अन्तर्गत आयोजना गरिएको थियो । युनाईटड फर गुड भन्ने विश्वव्यापी नारालाई आत्मसात गर्दै वातावरणीय संरक्षण, जलवायु परिवर्तन न्यूनीकरण, र दिगो विकासलाई प्रवद्र्धन गर्ने उद्देश्यसहित १००० वटा कफीका बिरुवा सफलतापूर्वक रोपिएको थियो। यसले वातावरण संरक्षणसँगै स्थानीय घरपरिवारलाई दीर्घकालीन आयआर्जनको अवसर पनि सिर्जना गर्नेछ । फाइटो केयर इन्टरनेसनल प्रा.ली भरतपुर का अध्यक्ष रो राजु पौडेलबाट हजार बिरुवालाई आवश्यक मल सौजन्य भएको थियो।
कार्यक्रममा २० जना रोटेरियनहरूको सक्रिय सहभागिता रहेको थियो भने रोट्रयाक्ट क्लब, स्पाउस क्लब तथा स्थानिय स्वयंसेवकहरूको उत्साहजनक उपस्थितिले कार्यक्रमलाई थप जीवंत बनाएको थियो । सहभागीहरूले बिरुवा रोप्ने, पानी हाल्ने, र सुरक्षाको जिम्मेवारी बहन गरी रोटरीको समुदाय–नेतृत्वमा आधारित सेवाप्रतिको प्रतिबद्धतालाई जीवन्त रूपमा प्रस्तुत गरेका थिए ।