राप्ती/चितवन उद्योग संघ, राप्ती समितिको सातौं वार्षिक साधारण–सभा तथा चौथो अधिवेशन सम्पन्न भएको छ । चितवन उद्योग संघ, राप्ती समितिका अध्यक्ष खिलप्रसाद घिमिरेको अध्यक्षतामा सम्पन्न कार्यक्रममा राप्ती नगरपालिकाका वडा नं. ७ का वडाअध्यक्ष सुमिता डल्लाकोटी प्रमुख अतिथि रहनुभएको थियो । प्रमुख अतिथि डल्लाकोटीले राप्ती क्षेत्रको औद्योगिक प्रबद्र्धनात्मक कार्यमा चितवन उद्योग संघ राप्ती समितिले महत्वपूर्ण भूमिका खेल्दै आएको बताउनुभयो ।
चितवन उद्योग संघ, राप्ती समितिका अध्यक्ष खिलप्रसाद घिमिरेले स्वागत मन्तव्य सहित बार्षिक प्रतिवेदन, चितवन उद्योग संघ, राप्ती समितिका कोषाध्यक्ष सुदर्शन जोशीले आर्थिक प्रतिवेदन प्रस्तुत गर्नुभएको थियो । प्रस्तुत प्रतिवेदन माथि सभाले अनुमोदन समेत गरेको थियो ।
कार्यक्रममा चितवन उद्योग संघका कार्य वाहक अध्यक्ष मदन घिमिरे, चितवन उद्योग संघ, राप्ती पालिका समितिका निवर्तमान अध्यक्ष सुदिप कुमार ओली, राप्ती नगरपालिकाका प्रमुख प्रशासकीय अधिकृत अमर बहादुर वली, राप्ती नगरपालिकाका वडा नं. २ का वडाअध्यक्ष श्यामसुन्दर उप्रेती, वडा नं. ८ का वडाअध्यक्ष पूर्ण प्रसाद आचार्य, उद्योग वाणिज्य संघ, राप्तीका अध्यक्ष राजकुमार कँडेल, पालिका समितिहरुको तर्फबाट चितवन उद्योग संघ, रत्ननगर समितिका अध्यक्ष सुवास चन्द्र गौतम लगायतले नवनिर्वाचित समितिलाई हार्दिक बधाईका साथै साधारणसभाको सफलताको शुभकामना व्यक्त गरेका थिए । कार्यक्रममा राप्ती पालिकाका सदस्य उद्योगहरु मध्ये कृषिमुलक उद्योगतर्फ महत्वपूर्ण योगदान पु¥याएकोमा साईनो पोल्ट्री प्रा.लि. का सञ्चालक सुदर्शन जोशीलाई सम्मान समेत गरिएको थियो ।
कार्यक्रमलाई चितवन उद्योग संघ, राप्ती समितिका अध्यक्ष खिलप्रसाद घिमिरेले धन्यवाद मन्तव्य सहित समिति विघटन गर्दै निर्वाचन घोषणाका लागि निर्वाचन समितिलाई फ्लोर हस्तान्तरण गर्नुभएको थियो ।
चितवन उद्योग संघका उपाध्यक्ष गजेन्द्र अधिकारी निर्वाचन संयोजक रहनुभएको निर्वाचन सदस्यहरुमा राप्ती नगरपालिकाकी अधिकृत ललिता निरौला, चितवन उद्योग संघका प्रशासकीय अधिकृत गोविन्द प्रसाद पौडेल रहनुभएको थियो । प्रमुख निर्वाचन अधिकृत गजेन्द्र अधिकारीले नवनिर्वाचित समितिको नामावली घोषणा गर्नुभएको थियो ।
नवनिर्वाचित समितिको अध्यक्षमा खिलप्रसाद घिमिरे, बरिष्ठ उपाध्यक्षमा राजेश रुम्बा लामा तामाङ्ग, उपाध्यक्षमा सुदर्शन जोशी, सचिवमा रामपुकार पाठक, कोषाध्यक्ष एवम् महिला अध्यक्षमा कृष्णमाया मानन्धर, कार्यसमिति सदस्य एवम् युवा अध्यक्षमा भुवानीश्वर रुवाली (प्रजित), कार्यसमिति सदस्यहरुमा नरमाया सेढाईं, रामप्रसाद सुवेदी, गोकुल सेढाई, निशान पौडेल रहनु भएको छ । नवनिर्वाचित अध्यक्षलाई निवर्तमान अध्यक्ष र नवनिर्वाचित अध्यक्षले कार्यसमिति सदस्यहरुलाई सपथ खुवाउनु भएको थियो ।
चितवन उद्योग संघ, राप्ती पालिका समितिका उपाध्यक्ष राजेश रुम्बा लामाले सञ्चालन गर्नुभएको कार्यक्रमलाई चितवन उद्योग संघ, राप्ती समितिका अध्यक्ष खिलप्रसाद घिमिरेले प्रतिवद्धता मन्तव्य समापन गर्नुभएको थियो ।