भरतपुर/“बगाए पसिना तालिममा, वेरोजगार हुने छैन कर्म कर्मभूमिमा” भन्ने मूल नाराका साथ १५ दिने स्पेशल बाउन्सर तथा सेक्युरिटी तालिमको शुभारम्भ भएको छ । तालिमको महिला उद्यमी संघ , बागमती प्रदेशकी प्रदेश प्रतिनिधि अर्पना प्रधान भण्डारीले वोर्डमा लेखिएको प्रथम प्रवचन वाचन गरी कार्यक्रमको शुभारम्भ गर्नुभएको थियो ।
गढी सेक्युरिटी सर्भिस ट्रेनिङ सेन्टर प्रा.लि.तथा महिला उद्यमी संघ चितवन (WEAN Chitwan) को संयुक्त आयोजनामा दुईहप्ता सम्म संचालन हुने तालिममा २२ जना पुरुष र ५ जना महिलाहरुको सहभागिता रहेको छ ।
तालिममा सहभागी प्रशिक्षार्थीको लागि जागिरको समेत ग्यारेन्टी गरिएको महिला उद्यमी संघ चितवन (WEAN Chitwan) की अध्यक्ष श्वेता उपाध्यायले जानकारी दिनुभयो । आफ्नै ठाउँमा तालिम पश्चात रोजगारीको व्यवस्था गरिएकोले तालिममा सहभागीहरुलाई धैर्यता र अनुशासन भएर लाग्नको उपाध्यायले अनुरोध समेत गर्नुभयो ।
तालिममा बाउन्सर तथा सेक्युरिटी गार्डलाई अति अवश्यक पर्ने सैद्धान्तिक तथा ब्यवहारिक आधारभूत विषयहरुमा नेपाली सेनाबाट अवकाश प्राप्त दक्ष प्रशिक्षक तथा गढी सेक्युरिटीका अनुभवी प्रशिक्षकहरुबाट तालिम दिईनेछ । छोटो अवधिमा धेरै कुराहरु सिक्नुपर्ने हुँदा तालिममा सहभागीहरुले अनुशासन र लगनशिल भई तालिमको भरपुर लाभ लिन अनुरोध गरिएको थियो । नेपालको प्रचलित नियम, कानुन र संस्थाको नियमलाई विशेष प्राथमिकतामा राखिएको हुँदा प्रशिक्षार्थीहरुलाई सोही अनुसार जिम्मेवारी भई तालिममा सहभागी हुनुपर्ने अन्यथा संस्थाको नियम अनुसार कार्वाही गर्नुपर्ने समेत जानकारी गराईएको थियो । तालिम अवधिभर अनुशासन, लिखित, ड्रिल तथा सम्पूर्ण विद्यामा उत्कृष्ट प्रशिक्षार्थीहरुलाई तालिमको अन्तिम प्रवचनमा पुरस्कृत गरिनेछ ।
तालिम शुभारम्भ कार्यक्रममा महिला उद्यमी संघ, बागमती प्रदेशकी निवर्तमान अध्यक्ष राजकुमारी शर्मा, द्धितीय उपाध्यक्ष आरती प्रधान, सचिव तारा रसाइली, कोषाध्यक्ष तिर्सना वराल, बाउन्सर तथा सेक्युरिटी तालिमका प्रशिक्षार्थीहरुको सहभागिता रहेको थियो ।
तालिमका प्रशिक्षक बुद्धिबहादुर घलानले सञ्चालन गर्नुभएको तालिम शुभारम्भ कार्यक्रमलाई गढी सेक्युरिटी सर्भिस ट्रेनिङ सेन्टर प्रा.लि.का प्रबन्ध निर्देशक अश्विन गोलेले प्रथम प्रवचन बारे छोटो मन्तव्य सहित कार्यक्रमलाई समापन गर्नुभएको थियो ।