नेपाल पोल्ट्री सप्लायर्स कल्याणकारी संघको आयोजनामा २०८२ जेठ २७ गते पोल्ट्रीजन्य वस्तु ओसारपसार गर्ने सवारी साधानका चालक तथा सहचालकहरुका लागि ट्राफिक सचेतना र गाडीमा जि. पि.एस. जडान सम्बन्धी कार्यक्रम सम्पन्न भएको छ । संघका अध्यक्ष महेश्वर पोखरेलको सभापतित्व र नेपाल कुखुरा व्यवसायी मञ्चका अध्यक्ष रघुनाथ भट्टको प्रमुख आतिथ्यतामा भएको औपचारीक कार्यक्रममा संघका अध्यक्ष महेश्वर पोखरेलले स्वागत गर्दै संघका गतिबिधीहरु माथी प्रकाश पार्नु भएको थियो । प्रमुख अतिथि रघुनाथ भट्टले नेपाल पोल्ट्री सप्लायर्स कल्याणकारी संघका महासचिव तुलसीप्रसाद सुवेदी लाई जि. पि.स. ट्रयाक हस्तान्तरण गरी समुदघाटन गर्नु भएको थियो ।
कार्यक्रममा संघका निवर्तमान अध्यक्ष एंंव भरतपुर महानगर पालिका वडा नं. २ का वडा अध्यक्ष मनोेज रानाभाटले शुभकामना मन्तव्य व्यक्त गर्दै संघका गतिविधिहरुका बारेमा प्रकाश पार्नु भएको थियो । जिल्ला ट्राफिक प्रहरी कार्यालय चितवनका प्रहरी नायव निरीक्षक भुपेन्द्र वहादुर विष्टले ट्राफिक निति नियमका बारेमा प्रशिक्षण गर्नु भएको थियो । कार्यक्रममा चितवन उद्योग संघका उपाध्यक्ष तारावहादुर कार्कीले ट्राफिक सचेतना का बारेमा चालक तथा सहचालकहरुले ध्यान दिनुपर्ने विषयमा प्रकाश पार्नु भएको थियो । कार्यक्रमका प्रमुख अतिथि नेपाल कुखुरा व्यवसायी मञ्चका अध्यक्ष रघुनाथ भट्टले मन्तव्य व्यक्त गर्दै सरकारी निति नियमहरु, व्यवसायीहरुले भोग्नु परेका समस्याहरु, चालक तथा सहचालकहरुले ब्यवहारीक रुपमा भोग्दै आएका समस्याहरुलाई यस प्रकारका कार्यक्रममा सहजीकरण गर्न सहज हुने र एक आपसमा समन्वय र सहकार्य गर्दा फाइदा पुग्ने विषयमा धारणा राख्नु भएको थियो ।
नेपाल कुखुरा व्यवसायी मञ्चका कार्यकारी अधिकृत शिवप्रसाद बरालले संचालन गर्नु भएको कार्यक्रममा संघका महासचिव तुलसीप्रसाद सुवेदीले धन्यवाद ज्ञापन गर्दै सभा बिसर्जन गर्नु भएको थियो । ट्राफिक सचेतना कार्यक्रमा ८५ जनाको सहभागिता रहेको थियो । संघमा आवद्ध सदस्यहरुका २० वटा गाडीमा जि. पि.स. जडान भएको छ ।
