रत्ननगर/नेपालभरका जुस उत्पादकहरुको पहिलो राष्ट्रिय भेला रत्ननगरमा सम्पन्न भएको छ । युनाईटेड वेभरेज प्रा.लि प्रदेश नं. ३ चितवनका अध्यक्ष भेषराज दुवाडीको संयोजकत्वमा सम्पन्न कार्यक्रममा तीन दर्जनभन्दा बढी जुस उत्पादकहरुको सहभागिता रहेको थियो ।

नेपालभर सञ्चालित जुस उद्योगहरुको प्रथम राष्ट्रिय भेलाबाट जुस उद्योगका सन्दर्भमा भएका सम्भावना, चुनौती, गुणस्तर आदिका बारेमा वृहत छलफल गरी राष्ट्रियस्तरको आवश्यकता महशुस भई ९ सदस्यीय राष्ट्रिय तदर्थ समिति गठन गरिएको हो ।

तदर्थ समितिमा युनाईटेड वेभरेज प्रा.लि प्रदेश नं. ३ चितवन, गोल्ड वेभरेज प्रा.लि. गण्डकी प्रदेश नवलपुर, सनराइज फुड एण्ड वेभरेज प्रा.लि.प्रदेश नं. २ वीरगञ्ज, गुललाइफ वेभरेज प्रा.लि.प्रदेश नं. १ दुहवी सुनसरी, क्वालिटी थाई फुड प्रा.लि. प्रदेश नं. १ विराटनगर, अल्फा इण्डष्ट्रिज प्रा.लि.प्रदेश नं. ५ बर्दिया, मेघा फुड एण्ड वेभरेज प्रदेश नं. ५ भैरहवा, विन्दवासिनी वेभरेज प्रा.लि.प्रदेश नं. ३ हेटौडा सहित तदर्थ समितिबाट एकजना पछि मनोनित गर्ने गरी समिति चयन गरिएको छ । समितिलाई सल्लाह, सुझाव र दिशानिर्देश गर्नका लागि तीन सदस्यीय सल्लाहरकार समिति समेत चयन गरिएको युनाइटेड वेभरेजका सञ्चालक गजेन्द्र अधिकारीले बताउनुभयो भयो । कार्यक्रमलाई युनाईटेड वेभरेजका प्रबन्ध विमल दुवाडीले सञ्चालन गर्नुभएको थियो ।