आदिकवि भानुभक्त माविका बारेमा केही संचारमाध्यम र युट्युवमा आएका भ्रामक समाचारको विद्यालयले खण्डन गरेको छ । त्यस विद्यालयका पूर्व प्रधानाध्यापक बिष्णुप्रसाद सापकोटा भ्रष्टाचार कसुरमा अख्तियार दुरुपयोग अनुसंधान आयोगले पत्राचार गरेपछि तत्कालीन विद्यालय व्यवस्थापन समितिले उनलाई बर्खास्त गरि शिक्षक डम्बरबहादुर शाहीलाई निवृत्त प्रअ बनाएको थियो । आफूलाई प्रअबाट बिना कारण प्रतिशोधपूर्ण ढङ्गबाट हटाइएको जिकिर गर्दै सापकोटाले बारम्बार विद्यालयप्रति आक्षप लगाउदै आएको विद्यालयले जनाएको छ ।

बिना जानकारी असन्तुष्टि पक्षसंगका मात्रै धारणा बुझेर समाचार बनाएको भन्दै विद्यालय व्यवस्थापन समितिले त्यस्ता भ्रामक समाचार सम्प्रेषण गर्ने मिडियाप्रति बिरोध जनाएको हो । विद्यालयले एसईइमा अघिल्लो बर्ष चितवन जिल्लाका सामुदायिक विद्यालयहरुमध्ये उत्कृष्ट तृतीय स्थान हासिल गरेको थियो । हालै भएको एसईइ परीक्षाका लागि ३ महिना अघिबाटै विद्यार्थीलाई साँझ ६ देखि राती ९ बजे सम्म तयारी कक्षा संचालन गरिएको थियो । तर बाहिर  अनावश्यक गलत अफवाह फैलाइएकोप्रति विद्यालय व्यवस्थापन समितिले समेत खेद व्यक्त गरेको छ ।