चितवन/भरतपुर १० ईन्द्रचोकमा ब्लेण्डडेड स्याडेस बाई फेमीन मेकअप स्टुडीयो सञ्चालनमा आएको छ । सोमबार सो मेकअप स्टुडीयोको पुर्व बाग्मती प्रदेश सांसद रीना गुरुङ्गले रिवन काटेर उद्घाटन गर्नु भएको हो ।  उद्घाटन कार्यक्रममा बोल्दै पुर्व सांसद तथा राप्रपाका सह–महामन्त्री गुरुङ्गले मेकअप स्टुडीयोका सञ्चालक गुड्डी जोशी र प्रीया जोशीलाई धेरै बधाई तथा आगामी दिनमा सफलताको शुभकामना दिनु भएको छ । साथै उहाँले पछिल्लो समय बिभिन्न ब्यापार ब्यवसायहरु खस्किदै गईरहेको अवस्थामा पनि नयाँ जोस र जागरका साथ अगाडी बढेको भन्दै प्रसंसा गर्नु भयो ।

सञ्चालक गुड्डी जोशीले ब्लेण्डडेड स्याडेस बाई फेमीनको मेन स्टुडीयो बिरगञ्जमा रहेको बताउदै भरतपुर शाखालाई पनि सबैको साथ र सहयोग रहने बताउनु भयो । उहाँले नयाँ ब्राञ्च चितवनमा शुरु भएको जानकारी दिदै ग्राहकहरुले यसलाई पनि धेरै माया दिने विश्वास लिनु भएको छ ।  कार्यक्रममा बाग्मती प्रदेश उधोग परिसंघ महिला समितीकी अध्यक्ष चन्दना काईराला, सञ्चार कर्मी करीस्मा थापा लगायतको सहभागीता रहेको थियो ।