भरतपुर/चितवन मेटल इन्जिनियरिङ्ग एण्ड फेब्रिकेशन उद्योग समिति को छैटौँ वार्षिक साधारण सभा एक कार्यक्रमका बीच सम्पन्न भएको छ । चितवन मेटल इन्जिनियरिङ्ग एण्ड फेब्रिकेशन उद्योग समितिका अध्यक्ष ताराबहादुर कार्कीको अध्यक्षतामा सम्पन्न कार्यक्रममा उद्योग तथा वाणिज्य कार्यालयका कार्यालय प्रमुख विनोद पौडेल प्रमुख अतिथि रहनु भएको थियो । प्रमुख अतिथि पौडेलले मेटल तथा स्टिल फेब्रिकेशन उद्योगहरुले देशकै आर्थिक विकासमा ठूलो टेवा पु¥याएको हुँदा यसको नीगिगत सुधारका लागि तीनै तहका सरकारहरुले सहयोग गर्नुपर्ने बताउनुभयो ।

त्यस्तै कार्यक्रममा विशिष्ट अतिथि चितवन उद्योग संघका कार्य वाहक अध्यक्ष मदन घिमिरेले समितिमा आवद्ध उद्योग र उद्योगमा कार्यरत कर्मचारीहरुको सुरक्षा प्रत्याभूतीको लागि अझै तालिमहरु प्रदान गर्नुपर्ने बताउनुभयो ।

चितवन मेटल इन्जिनियरिङ्ग एण्ड फेब्रिकेशन उद्योग समितिका अध्यक्ष ताराबहादुर कार्कीले स्वागतसँगै अध्यक्षको वार्षिक प्रतिवेदन प्रस्तुत गर्नुभएको थियो । त्यस्तै समितिका उपाध्यक्ष रुकेश सापकोटाले राष्ट्रिय तथा अन्तर्राष्ट्रिय औद्योगिक भ्रमण तथा सामाजिक उत्तरदायित्व परिचालन प्रतिवेदन, त्यस्तै उपाध्यक्ष वीरेन्द्र बहादुर दवाडीले संगठन बिस्तार, महानगर तथा पालिका समन्वय समितिको प्रतिवेदन, त्यसैगरी उपाध्यक्ष राजकुमार श्रेष्ठले आर्थिक प्रतिवेदन, उपाध्यक्ष सूर्य प्रसाद तिमिल्सिनाले थर्ड पार्टी राहत कोष प्रतिवेदन, त्यस्तै उपाध्यक्ष मोहनलाल श्रेष्ठले विवाद समाधान, भलाई कोष समिति प्रतिवेदन प्रस्तुत गर्नुभएको थियो ।

साधारणसभाको अवसरमा चितवन उद्योग संघ, महिला उद्यमी मञ्चकी उपाध्यक्ष सरिता खनाल पौडेल, चितवन उद्योग संघ, युवा उद्यमी मञ्चका अध्यक्ष अश्विन गोले, चितवन मेटल इन्जिनियरिङ्ग एण्ड फेब्रिकेशन उद्योग समिति, रत्ननगर समितिका सल्लाहकार गोविन्द प्रसाद खनाल, सम्पूर्ण सल्लाहकार समितिको तर्फबाट चितवन मेटल इन्जिनियरिङ्ग एण्ड फेब्रिकेशन उद्योग समितिका सल्लाहकार संयोजक शान्ता न्यौपाने लगायतले शुभकामना व्यक्त गर्नुभएको थियो ।

साधारणसभाको अवसरमा मेटल समितिको रिक्त रहेको चार सदस्य पदमा नयाँ सदस्य चयन गरिएको छ । थप गरिएको सदस्यहरुमा लिलामणी भण्डारी, महानारायण गिरी, हेमकुमार श्रेष्ठ र अरुण श्रेष्ठ रहनु भएको छ ।

चितवन मेटल इन्जिनियरिङ्ग एण्ड फेब्रिकेशन उद्योग समितिका उपाध्यक्ष राजकुमार श्रेष्ठले सञ्चालन गर्नुभएको कार्यक्रमलाई चितवन मेटल इन्जिनियरिङ्ग एण्ड फेब्रिकेशन उद्योग समितिका उपाध्यक्ष राजु पुडासैनीले अध्यक्षको अनुमतिमा धन्यवाद मन्तव्य सहित कार्यक्रम समापन गर्नुभएको थियो ।