रत्ननगर/विश्व रेडक्रस दिवसका अवसरमा रत्ननगरको लाइसियम स्कुलमा एक दिवसिय प्राथमिक उपचार सम्वन्धि अनुशिक्षण सम्पन्न भएको छ । लाइसियम जुनियर युवा रेडक्रस सर्कलका सभापति रहिसा अधिकारीको सभापतित्वमा, रेडक्रसका जन्मदाता जाँ हेनरी ड्युनाको तस्वीरमा पुष्प अर्पंण गरि सुरुआत भएको उक्त कार्यक्रमा विद्यालयका प्रधानाध्यापक सन्तोष पन्तले स्वागत मन्तव्य राख्नुहुँदै रेडक्रसको इतिहास, रेडक्रसमा लाग्ने विद्यार्थीहरुको भुमिका र दायित्वका सम्वन्धमा प्रकाश पार्नु भएको थियो ।
अनुशिक्षण कार्यक्रममा नेपाल रेडक्रस सोसाइटी चितवन शाखाका उपमन्त्री तथा विपद् व्यवस्थापन प्रमुख महेश्वर थपलियाले रेडक्रसका सिद्धान्त, प्राथमिक उपचारका सिद्धान्त, प्राथमिक उपचारकर्मीको कर्तव्य आदि वारे जानकारी गराउनुका साथै रेडक्रस सर्कलको नविकरण, रेडक्रस शाखाबाट हुने कार्यक्रमहरु र विद्यालयमा रहने जुनियर युवा रेडक्रस सर्कलको दायित्वका सम्वन्धमा समेत प्रकाश पार्नु हुँदै विद्यार्थीहरुलाई वगिरहेको रगत रोक्ने तरिका, सर्पले टोकेमा गर्ने प्राथमिक उपचार, नाकबाट रगत बगेमा र बेहोस भएमा, भाच्चीएमा लगायत अन्य अवस्थामा गर्नु पर्ने प्राथमिक उपचारका सम्वन्धमा शैद्धान्तिक तथा व्यवहारिक प्रशिक्षण प्रदान गर्नु भएको थियो ।
लाइसियम जुनियर युवा रेडक्रस सर्कलका सचिव अलिसान न्यौपानेले सञ्चालन गरेको उक्त कार्यक्रममा शैक्षिक संयोजक भिमा कुमारी थापाले कार्यक्रममा सहजिकरण, शिक्षक नायक सुनिता लामिछानेले विद्यालयमा रेडक्रसको अवस्था र आगामी योजनाका सम्वन्धमा प्रकाश पार्नु भएको थियो भने कार्यक्रमको अन्तमा सभापति रहिसा अधिकारीले रेडक्रस सर्कलले वर्षको सुरुआतमै जीवनोपयोगी अनुशिक्षण सञ्चालन गर्न सफल भएको र कार्यक्रमको आयोजना गर्न सहजिकरण गर्नु हुने विद्यालय प्रशासन तथा उत्कृष्ट ढंगले प्रस्तुतिकरण गर्नु हुने प्रशिक्षकप्रति हार्दिक आभार प्रकट गर्नु भएको थियो ।