चितवन/मन्जुश्री असाहय संरक्षण केन्द्र भरतपुर चितवनमा स्कुल पोशाक सहित लत्ताकपड बितरण गरिएको छ । हाल युके निवासी प्रसन गुरुङ्ग र अमृता गुरुङ्गले आफ्नो वैवाहिक वर्षगाठको अजसरमा सो संरक्षण केन्द्रलाई स्कुल पोशाक सहित लत्ताकपाड बितरण गरिएको हो । भरतपुर २ स्थित संरक्षण केन्द्रमा एक कार्यक्रमको आयोजना गरि समज सेवी तथा गुरुङ्गकी आमा ईन्दु गुरुङ्गले संस्थाकी अध्यक्ष मञ्जु खाडलाई स्टेसनरी तथा लत्ताकपाड हस्तान्तरण गर्नु भएको हो । केन्द्रमा करिब ४१ हजार बराबरको स्कुल ड्रेस सहित अन्य लत्ताकपडा हस्तान्तरण गरिएको थियो ।

सहयोग हस्तान्तरण गर्दे समाजसेवी गुरुङ्गले केन्द्रका वालवालिहरुलाई सहयोग गर्न पाउदा खुसीलागेको बताउनु भएको छ । पछिल्लो समयका युवाहरुमा वैवाहिक वर्षगाठ तथा जन्मदिनको अवसरमा बिभिन्न स्थानमा घुमघाम तथा पार्टी गरि मनाईने अवस्थामा आफ्नो छोरी ज्वाईले केन्द्रमा सहयोग गरेकोमा हर्ष महसुर गरेको बताउनु भयो । साथै उहाँले यस सहयोगले केन्द्रका वालवालिकाहरुलाई केहि हदसम्म भएपनि सहज हुने विश्वास लिनु भएको छ । साथै उहाँहरुले केन्द्रका वालवालिकाहरु लागी एक छाक खानाको समेत ब्यवस्था गरिदिनु भएको छ । केन्द्रमा हाल २० जना बालबालिकाले आश्रय लिईरहेका छन् ।

यस्तै संस्थाकी अध्यक्ष खाणले सहयोगको लागि आभार प्रकट गर्दे बिगत देखि नै मनकारी दाताहरुको सहयोगमा संस्था सञ्चालन हुदै आएको बताउनु भयो । उहाँले आगामी दिनमा बालबालिकाहरुको पालन पोषणको लागि यस्तै खालको सहयोगको अपेक्षा गर्नु भएको छ ।  संस्थाकी अध्यक्ष खाँणको अध्यक्षतामा भएको कार्यक्रममा समाजसेवी सरस्वती गुरुङ्ग, आईति गुरुङ्ग, अर्जुन गुरुङ्ग लगायतको सहभागीता रहेको थियो ।