काठमाण्डौं/कब्जियत आजको समयको सबैभन्दा ठूलो समस्या हो। कब्जियतका मुख्य लक्षणहरूमा कम बारम्बार दिसा चल्नु, कडा र सुख्खा दिसा, मल त्याग गर्दा तनाव वा दुखाइ, र मल त्याग पछि पनि अधूरो रहेको महसुस गर्नु जस्ता लक्षण देखिएका हुन्छन्। तपाई नियमित रोटी खानुहुन्छ र कब्जियतको समस्या छ भने त्यसको समाधान सजिलो छ । कब्जियत धेरै कारणले हुन सक्छ, जस्तै आहारमा फाइबरको कमी, पानीको कमी, व्यायामको कमी वा केही औषधिहरूका कारण पनि हुन सक्छ। उसो भए यस समस्याबाट छुटकारा पाउन रोटी बनाउने नयाँ तरिका जानौं।

गहुँको पीठोमा बेसनको पिठो मिलाउनु होस्। त्यसपछि अलि अलि पानी हालेर राम्ररी घुमाउनुहोस्। अब यसलाई रोल आउट गर्नुहोस् र दुबै तर्फबाट पकाउनु होस्। यदि तपाईं चाहनुहुन्छ भने तपाईं यसमा हल्का नुन पनि थप्न सक्नुहुन्छ। यस पीठोबाट बनाइएका रोटी हलुका हुन्छन् र पेटमा भारीपन महसुस हुँदैन। बेसनको पिठोबाट बनेको रोटी रगतमा चिनीको मात्रा नियन्त्रण गर्न पनि सहयोगी हुन्छ। यति मात्र होइन, यी रोटीहरूको सेवन मधुमेहका बिरामीका लागि पनि फाइदाजनक मानिन्छ। यसमा पाइने प्रोटिनले मांसपेशी बलियो बनाउन र आन्द्रालाई स्वस्थ राख्न मद्दत गर्छ। कब्जियतका बिरामीले पानी पनि प्रशस्त पिउनु पर्दछ भने फाईबरयुक्त खानेकुरामा पनि जोड दिनुपर्छ । -(एजेन्सी)