भरतपुर/नेपाल घरेलु तथा साना उद्योग महासंघ कोहलपुर नगर समिति तथा महिला उद्यमी समितिका पदाधिकारी एवम् सदस्यहरु र चितवनका उद्योगीहरुबीच औद्योगिक प्रवद्र्धनका विषयमा छलफल सम्पन्न भएको छ ।
चितवन उद्योग संघका कार्यवहाक अध्यक्ष मदन घिमिरेले स्वागतसँगै चितवन उद्योग संघका अघि सारेका महत्वपूर्ण परियोजनाहरु चितवन प्रदर्शनी केन्द्र, प्रस्तावित शक्तिखोर औद्योगिक क्षेत्र, जुरेथुम्कास्थित प्रस्तावित औद्योगिक पाठशाला, संघ परिसरमा रहेको बिक्री केन्द्र लगायत चितवन औद्योगिक गतिविधिहरुको बारेमा प्रकाश पार्नुभएको थियो ।
त्यस्तै छलफल कार्यक्रमका विशिष्ट व्यक्तित्व नेपाल घरेलु तथा साना उद्योग महासंघ, कोहलपुर नगर समितिका अध्यक्ष एवम् भ्रमण समितिका संयोजक हेम विक्रम जि.सि.ले नेपाल घरेलु तथा साना उद्योग महासंघ कोहलपुर नगर समितिका भावी योजना र हालसम्म समितिले गरेका क्रियाकलापहरुको विषयमा जानकारी गराउनु भएको थियो । अध्यक्ष जि.सि.भ्रमणको पाँचौ दिनसम्म आईपुग्दा अवलोकनका क्रममा भोगका भोगाईहरुलाई संक्षिप्त रुपमा राख्नु भएको थियो । उहाँले औद्योगिक संग्राहलय सहित रिसर्च सेन्टर बनाउने उद्देश्यका साथ भ्रमणमा आएको र यस कार्यका लागि संघको तर्फबाट सहकार्य सहित सहयोगको अपेक्षा समेत गर्नुभयो ।
औद्योगिक प्रवद्र्धनका विषयमा छलफल कार्यक्रममा चितवन उद्योग संघका उपाध्यक्ष गोपाल प्रसाद गैरे, नेपाल घरेलु तथा साना उद्योग महासंघ, कोहलपुर नगर समितिका उपाध्यक्ष महोदत्त कंडेल, महिला उद्यमी समितिकी अध्यक्ष डिला कुमारी तिवारी, कोहलपुर नगर समितिका महासचिव हिमलाल घिमिरे, कोषाध्यक्ष वसन्त बहादुर क्षेत्री, कार्यसमिति सदस्यहरु ईश्वर शर्मा, नन्दलाल पौडेल, कोहलपुर नगर समितिका महिला सदस्यहरु रमिला थापा, कमला पौडेल, महिला उद्यमी समितिकी बरिष्ठ उपाध्यक्ष कल्पना भण्डारी, उपाध्यक्ष नन्दा सिन्जाली, महासचिव निर्मला शर्मा, कोषाध्यक्ष कल्पना लम्साल, कार्यसमिति सदस्यहरु सिता पौडेल, कविता खड्का र लोक कुमारी रोका, संघका प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, आईटि अफिसर अजय महतो, कार्यालय सहायक प्रेमकला भुजेल लगायतको उपस्थिति रहेको थियो ।
चितवन उद्योग संघका कार्यकारी निर्देशक गणेश प्रसाद सिलवालले सञ्चालन गर्नुभएको कार्यक्रमलाई चितवन उद्योग संघका उपाध्यक्ष गजेन्द्र अधिकारीले धन्यवाद मन्तव्य सहित समापन गर्नुभएको थियो ।
