साथै महतोले रिऊ करिडोर र मेसजाली लगाइएमा वन्यजन्तुको आक्रमणबाट केही भए पनि राहत मिल्ने बताउनुभयो । पछिल्लो समय घाँसे मैदान हराउँदै गएको र वन्यजन्तु मानव वस्तीमा प्रवेश गरेको र आक्रमण बढेको समेत जानकारी दिनुभयो ।

वन मन्त्रालय, विभाग र निकुञ्जले गर्दा माडीको विकास हुन नसकेको माडी नगर प्रमुख ठाकुरप्रसाद ढकालले बताउनुभयो । मानवको जिऊधनको रक्षामा ध्यान दिनुपर्ने ढकालले बताउनुभयो । चितवन राष्ट्रिय निकुञ्जको मौजुदा ऐनले पारेको असर कम गर्नुपर्नेमा समेत ढकालले जोड दिनुभयो ।

नगरपालिकाले बाटो चाक्लो वा वाटो मर्मत गर्दा चितवन राष्ट्रिय निकुञ्जले व्यवहारिकरुपमा लागे माडी नगरपालिकाको विकास हुने बताउनुभयो । चितवन राष्ट्रिय निकुञ्जमा २४ सैं घण्टा यातायात सञ्चालन हुनुपर्ने ढकालले बताउनुभयो । नगर प्रमुख ढकालले ऐन संशोधन नभए आमरण अनसनमा बस्ने कुरा समेत दोहा¥याउनु भएको छ ।

मानव वन्यजन्तुको द्वन्द्व न्यूनीकरणमा आफूहरु लगातार लागिरहने चितवन राष्ट्रिय निकुञ्ज प्रमुख संरक्षण अधिकृत नारायण रुपाखेतीले बताउनुभयो । राष्ट्रिय निकुञ्जभित्र नै जनावार राख्ने र मानव वस्तीमा प्रवेशमा कमी ल्याउनका लागि ७०० हेक्टरमा घाँसखेती गर्ने समेत भन्नुभयो ।

कार्यक्रममा माडी नगर उपप्रमुख ताराकुमारी काजी महतोले मानव र वन्यजन्तुबीचको द्वन्द्व न्यूनीकरण गर्न आवश्यक रहेको बताउनुभयो । माडी नगरपालिका नयाँ निर्माण भएका घरहरुमा वातावरणीय प्रभाव नपरोस् भनेर माडी नगरपालिकाले कम्तिमा दुई वटा विरुवा रोप्नु भनेर भनेको समेत बताउनुभयो ।

कार्यक्रममा राष्ट्रिय निकुञ्जको संरक्षण र भौतिक पूर्वाधार विकाससम्बन्धी अदालतको फैसलासम्बन्धी उपभोक्ता हित संरक्षण मञ्च अध्यक्ष ज्योति बानियाले प्रकाश पार्नुभएको थियो । कार्यक्रममा माडी नगरपालिका प्रवक्ता एवम् माडी नगरपालिका ९ वडाअध्यक्ष शिवहरी सुवेदी, नेपाल कम्युनिस्ट पार्टी९नेकपा० माडी नगर सचिव नारदमणि पौडेल, नेपाली कांग्रेस जिल्ला सदस्य शोभाखर चापागाईलगायतले निकुञ्जले पारेको असरको विषयमा धारणा राख्नुभएको थियो ।

उपभोक्ता हित संरक्षण मञ्च नेपाल केन्द्रीय सदस्य सूर्य बोहोराले स्वागत मन्त्वय राखेका राख्नुभएको थियो भने कार्यक्रमको सहजीकरण उपभोक्ता हित संरक्षण मञ्च नेपाल केन्द्रीय सचिव भुवनप्रसाद निरौलाले गर्नुभएको थियो ।