भरतपुर/राष्ट्रिय स्वतन्त्र पार्टी (रास्वपा) भरतपुर महानगरपालिकाको आयोजनामा सञ्चालित महिला आत्मनिर्भर तालिम सम्पन्न भएको छ । गत तीन दिन देखि सञ्चालित तालिममा सहभागिहरुलाई  आज एक कार्यक्रमका विच प्रमाणपत्र  वितरण एबम स्वास्थ प्रशिक्षण कार्यक्रम समापन गरिएको हो ।

कार्यक्रममा महिला आत्मानिर्भर तालिमकी प्रशिक्षक सीता थापा भट्टराईले महिला उद्दमी हुनकालागि सबैभन्दा पहिला आत्मबिश्वास हुनुपर्ने  र घरायसी कामबाट फुर्सदिलो समय निकालेर  आयआर्जनको लागि  खर्चिन सक्ने भएमा सेल्फ डिपेन्डेन्ट हुन सकिने बताउनुभयो। जीवनयात्रामा आउन सक्ने बाधा अबरोधलाई हटाउदै हिम्मतका साथ  केही गर्नसक्छु भन्ने प्रण गरेर अघि बढ्ने हो भने सानो लगानी बाट पनि आयआर्जनको बाटो तय गर्न सकिने उहाको भनाई थियो ।

कार्यक्रममा  बोल्नुहुदै प्राचार्य तथा बरिष्ठ स्त्री रोग बिशेषज्ञ  डा. केशव भुर्तेलले खानपानबाटै थुप्रै रोगहरु निम्तिने हुदा खानेपानी लगायत स्वच्छ खानेकुरामा बिशेष ध्यान दिनु पर्ने  बताउनुभयो। डा. भुर्तेलले कार्यक्रममा सहभागी  प्रशिक्षार्थीहरु संग स्वास्थ्य सम्बन्धी बिषयमा अर्न्तक्रिया समेत गर्नु भएको थियो।

त्यसैगरि कार्यक्रममा बोल्नुहुँदै   रास्वपा भरतपुर महानगरपालिकाकी सभापती सिता ज्ञवालीले  हामीले दैनिक खाने खानपान लगायत दैनिक गतिविधिमा स्वस्थ्य सचेत हुनुपर्ने भनाई राख्नुभयो ।  अब  महिला दिदिबहिनीहरु आत्मानिर्भर हुन सीप सिक्नै पर्ने र सिकेका सिपहरु आय आर्जनमा लगाउनु पर्ने कुरामा उहाले जोड दिनु भयो।

नेपालमा अझैपनि कसरी खानेकुरा  खानपान गर्ने , पौष्टिक तत्वको मात्रा कति लिने भन्ने चेतनाको अभाव छ । त्यसबाट हुने फाइदा बेफाइदाकाबारे र पौष्टिक आहार आर्गानिक खाद्यान्नका बिषयमा  अनुसन्धान गर्नुपर्ने नानी मैयाँ नेपालले बताउनुभयो । प्रशिक्षणकै क्रममा केन्द्रिय स्तर शिक्षा बिभाग प्रमुख  कृष्णहरि पौडेलले हामी स्वस्थ्य भए मात्र उद्दमी बन्न सक्नेकुरामा जोड  दिनु भयो।

कार्यक्रममा राष्ट्रिय स्वतन्त्र पार्टीका केन्द्रिय तहका नेताहरु, प्रदेश तहका,जिल्ला तह,भरतपुर महानगरपालिका,वार्ड स्तरीय नेतृत्व तहका ब्यक्तित्वहरुको उपस्थिति रहेको थियो ।