यस एभरेष्ट वचत तथा ऋण सहकारी संस्था लिमिटेडले ११५ औं अन्तराष्ट्रिय नारी दिवसको सन्दर्भमा अन्तरक्रिया एवं सम्मान कार्यक्रम संस्थाका अध्यक्ष बाल गोपाल चुकेको अध्यक्षता, चितवन जिल्ला अदालत वार एसोसियसन चितवनका अध्यक्ष अधिवक्ता फुलमाया रानाभाटको प्रमुख आतिथ्यतामा र शिक्षा उपसमितिको संयोजकत्वमा सम्पन्न गरिएको छ । संस्थाले आफ्ना महिला सदस्यहरुको लागि महिला हिंसा विरुद्धको कानूनी अवस्था न्यायिक सहजीकरण विषयममा अन्तरक्रिया गरिएको हो । ५० जना सदस्य सहभागिता रहेको सो कार्यक्रममा चितवन जिल्ला अदालत, वार यसोसियसन चितवनका अध्यक्ष अधिवक्ता फुलमाया रानाभाटले सहजिकरण गर्नु भएको थियो ।

यसै गरि महिला क्षमताहरुको क्षमता विकास अन्तरगत नेतृत्व विकास र उत्प्रेरणा सम्वन्धि नलेज नेपाल एकेडमिका प्रवन्ध निर्देशक अर्जुन अधिकारीले सहजीकरण गर्नुभएको थियो ।

नारी दिवको सन्र्दभ पारी चितवन जिल्लाको पहिलो महिला अधिवक्त एवं वार एसोसिएसनको पहिलो महिला अध्यक्ष साथै ३१ वर्ष लामो न्याय सेवामा सक्रिय रही महिला तथा बालबालिकाको क्षेत्रमा योगदान पुर्याउन भएका अधिवक्ता फुलमाया रानाभाटलाई सनमान गरियो । संस्थामा व्यवस्थापक सरु ढकालले संस्थागत गतिविधि र कार्यक्र्रमको उदेश्य वारे प्रकास पार्दै सामाजिक उत्तर दायित्व अन्तरगत संस्थाले विभिन्न कार्यकम एवं सचेतना गर्दै आएको जानकारी गराउनु भयो ।

कार्यक्रममा संस्थाका सचिव मदन प्रसाद पौडेले स्वागत एवं नारी दिवसको अवसरमा शुभकामना दिदै उपस्थित सबैलाई धन्यबाद व्यक्त गर्नु भएको थियो ।