चितवन/मैयाँदेवी कन्या कलेजको बार्षिक खेलकुद कार्यक्रम आइतबारबाट सुरु भएको छ । आइतबार बाट बार्षिक खेलकुद अन्तर्गत सप्ताहाब्यापी खेलकुद कार्यक्रम  सुरु भएको हो । पहिलो दिन समाचार वाचन र  टिटि बल प्रतियोगिता सम्पन्न भएको छ । शिक्षक हरिशचन्द्र पोख्रेलको संयोजकत्वक तथा शिक्षकहरु शिवहरि पण्डित, बालशंकर सुवेदी, प्रमिला रानाभाटको सदस्यतामा भएको टिटि बल प्रतियोगितामा १० जनाको सहभागिता रहेको थियो । नकआउट प्रतियोगितामा सम्पन्न खेलमा विविएस चौथो बर्षकी छात्रा सुरक्षा पौडेल प्रथम भएकी छन् भने विविएस पहिलो बर्षकी अनिशा तामाङ दोस्रो र विविएस चौथो बर्षकी मोनिता महतो तेस्रो भएकी छन् ।

यस्तै शिक्षक नगेन्द्र तिमिल्सिनाको संयोजकत्व तथा शिक्षकहरु अर्जुन ढकाल,इन्दिरा गुरुङ, सुजता पोख्रेलको सदस्यमा भएको समाचार वाचन प्रतियोगितामा पनि १० जनाको सहभागिता रहको थियो । जसमा विएड चौथो बर्षकी सन्ध्या शर्मा प्रथम ,एम एड पहिलो समेष्टरकी सविता दराइ द्धितिय र विविएस दोस्रो बर्षकी दीपा ढकाल तितिय भएकी छन् । समाचार वाचन प्रतियोगितामा शिक्षकहरु तेज प्रसाद पौडेल र मुक्ति अधिकारीले निर्णायको भुमिका निर्वाह गर्नु भएका थियो ।
कलेजका प्रधानाध्यापक भोजराज न्यौपनेको अध्यक्षतामा भएको प्रतियोगितमा प्रथम द्धितिय र तितिय हुने विजेतालाई कलेजका संरक्षक प्रेम कुमार श्रेष्ठको हातबाट पुरस्कार वितरण गरीएको छ । यस्तै भोलि फागुन १९ गते सोमबार  १०० मिटर दौड, स्लो साइकल रेस र डोरी तान्ने प्रतियोगिता हुने छ । २० गते मंगलबार ब्याडमिण्टन, २१ गते बुधबार चित्रकला र निबन्ध प्रतियोगिता हुने छ भने २२ गते विहिबार खो खो प्रतियोगिता हुने कार्यक्रम संयोजक होमनाथ पौडेलले जानकारी दिनु भयो ।