भरतपुर/लंकुस्थित हरिकीर्तन धार्मिक संस्था(लक्ष्मीवेङ्कटेश मन्दिर)मा  पीठाधीश अखण्ड हरिकीर्तन बाबा उमानाथ कँडेलको सत्संकल्प , नारायणाचार्य÷ टीकाराम गुरुको प्रधान आचार्यत्व एवम्  लोकप्रिय कथावाचक डा. चक्रपाणि आचार्यको प्रमुख वाचकत्वमा जारी श्रीमद्भागवत सप्ताह ज्ञान महायज्ञ २०८१ समाप्तितर्फ उन्मुख हुँदै गर्दा  भक्तजनहरूको  सहभागितामा वृद्धि भइरहेको छ ।

महायज्ञको सातौं दिन आज पनि स्वतःस्फूर्तरूपमा सहयोगी भक्तजनहरूले सहयोग गरिरहेको र अहिलेसम्म नगद तथा  बोलकबोल गरी  १ करोड ६२  लाख भन्दा बढी  रकम संकलन भएको आर्थिक संयोजक भानुभक्त कंडेलले जानकारी दिनुभयो।महायज्ञको अन्तिम दिन ९ गते करोड दीप प्रज्वलनको कार्यक्रम रहेको मीडिया संयोजक माधव सापकोटाले बताउनुभयो।