रत्ननगर/महान शहिद ॠषी लामिछाने(क.निशान)१९औँ स्मृती दिवस चितवनको रत्ननगरमा एक कार्यक्रम गरी मनाईएको छ । निशान स्मृती प्रतिष्ठान,रनपा-१५को आयोजनामा शुक्रबार रत्ननगर-१५स्थित प्रतिष्ठानको आफ्नै सभा हलमा सो कार्यक्रम सम्पन्न भएको हो।  नेकपा माओवादी केन्द्रकी केन्द्रिय सदस्य कंचन खनालको प्रमुख आतिथ्यता रहेको सो कार्यक्रममा नेकपा माओवादी केन्द्र बागमती प्रदेश कोषाध्यक्ष संगिता भट्टराई,रनपा-१५ का वडा अध्यक्ष आसिक तामाङ्ग,नेकपा माओवादी केन्द्र रत्ननगरका उपाध्यक्ष दिल बहादुर बुढाथोकी,सचिव मेघनाथ पौडेल विशिष्ट अतिथिको रुपमा रहेका थिए।
त्यस्तै,कार्यक्रममा निशान स्मृति प्रतिष्ठानको संस्थापक अध्यक्ष द्रोण प्रसाद लामिछाने,नेकपा माओवादी केन्द्र,रनपा-१५ का अध्यक्ष देवि प्रसाद बस्ताकोटी,नेकपा एमाले रनपा-१५ का सचिव मदन भुजेल,नेपाली काँग्रेस रनपा-१५ का सचिव रुपेश तिवारी,नेकपा समाजवादी रनपा-१५ का अध्यक्ष हुमनाथ लामिछाने,राष्ट्रिय स्वतन्त्र पार्टी,रनपा-१५ का अध्यक्ष हरि प्रसाद सिलवाल,नेकपा सि का शारदा थापा मगर लगायतको उपस्थिति रहेको थियो।
कार्यक्रममा बोल्दै नेकपा माओवादी केन्द्रकी केन्द्रिय सदस्य कंचन खनालले मुलुकको राजनीतिक परिवर्तनका लागि सहिद ॠषीराम लामिछाने(क.निशानको)भूमिका महत्वपुर्ण रहेको चर्चा गदै उनले लामिछानेले देखाएका बाटोलाई पार्टिले सदैव अवलम्वन गरिरहने बताउनुभयो।  त्यस्तै,निशान स्मृती प्रतिष्ठानलाई संस्थागत बनाउन सबैको सहकार्य आवश्यक हुने हुँदा सिमित रुपमा नभई साझा थलोको रुपमा लिई विभिन्न कार्यक्रमहरु गर्दै संस्थालाई चलायमान बनाउन पर्नेमा जोड दिनुभयो।
साथै,प्रतिष्ठानको भौतिक प्रगती र यस मार्फत हुने गरेका गतिविधी प्रसंशनिय भएको बताउँदै आगामी दिनमा संस्थामार्फत एम्बुलेन्स सेवा सुचारु गर्नका लागि तिनै तहको सरकारलाई ध्यानाकर्षण गराउनुभयो।  त्यसै गरि,कार्यक्रममा बोल्दै नेकपा माओवादी केन्द्रकी बागमती प्रदेश कोषाध्यक्ष संगिता भट्टराईले शहिदहरु सबैका साझा हुन,शहिदले देखाएका बाटो सबैले अनुसरण गर्नुपर्ने बताउनुभयो।  सो कार्यक्रममा वडा अध्यक्ष आसिक तामाङ्गले भने”निशान स्मृती प्रतिष्ठानले स्थापना काल देखि नै समाज लक्षित विभिन्न कार्यक्रम गर्दै आईरहेकोमा खुशी व्यक्त गर्नुभयो।
त्यस्तै,उनले भने,”संस्थाको भौतिक प्रगती र गतिविधी चलायमान बनाउने बिषयमा आफू सधैँ सकारात्मक रहेको साथै वडा बाट हुन सक्ने जुन सुकै सहयोग गर्न आफू सदैव तत्पर छु।” ऋषिराम लामिछाने (क. निशान)को देश र जनताको मुक्तिका खातिर,लोकतान्त्रिक गणतन्त्र स्थापना को लडाइँमा वि.सं.२०६२ माघ १८ गते चितवनको भरतपुरमा तत्कालिन शाही सेनाद्वारा निर्ममतापूर्वक हत्या गरिएको थियो।  वि.सं २०७५ साल असार ३१ गते स्थापना भएको सो संस्थामा हाल ५० जना आजिवन सदस्य रहेका छन।संस्थाले सुरुवाती दिनदेखि नै रक्तदान,स्वास्थ्य शिविर,तालिम,पार्टी भेला लगायतका विविध कार्यक्रमहरु गर्दै आएको छ। निशान स्मृती प्रतिष्ठानको अध्यक्ष रमेश लामिछानेको अध्यक्षता रहेको सो कार्यक्रम प्रतिष्ठानका सचिव आनन्द लामिछानेले संचालन गरेका थिए।