श्री भरतपुर माध्यमिक विद्यालय भरतपुर १० ले आज (आइतबार) आफ्नो ६७ औं वार्षिकोत्सब तथा अभिभावक दिवस समारोह मनाएको छ। विद्यालयका बिद्यालय ब्यबस्थापन समितिका कार्यवाहक अध्यक्ष तथा भरतपुर महानगरपालिका वडा नं १० का वडाध्यक्ष परमेश्वर खनालको अध्यक्षतामा सम्पन्न सो कार्यक्रममा प्रदेश सभा सदस्य तथा सार्वजनिक लेखा समिती सदस्य माया श्रेष्ठ प्रमुख आतिथिका रुपमा उपस्थित हुनुहुन्थ्यो ।

कार्यक्रममा विशिष्ट अतिथिका रुपमा नेपाल सरकार शिक्षा बिज्ञान तथा प्रविधि मन्त्रालय, शिक्षा तथा मानव श्रोत विकास केन्द्र शिक्षा विकास तथा समन्वय इकाई प्रमुख विष्णु प्रसाद भट्टराई र भरतपुर महानगरपालिका शैक्षिक प्रसासन महाशाखा प्रमुख सुभाषचन्द्र आचार्यको उपस्थिती रहेको थियो।

अतिथिहरुमा भरतपुर महानगरपालिका वडा नं १२ का वडाध्यक्ष लेखराज पन्त(हरि), भरतपुर महानगरपालिका वडा नं ९ का वडाध्यक्ष यमलाल कंडेल, भरतपुर महानगरपालिका वडा नं ११ का वडाध्यक्ष कमल मल्ल लगायतको उपस्थिती रहेको थियो । कार्यक्रममा विद्यालयका प्रधानाध्यापक खेमनारायण पौडेलले विद्यालयको वार्षिक प्रतिवेदन पेश गर्नु भएको थियो।