जिल्लामा रहेका ३१ हजार ५७० किशोरीहरुलाई एचपिभि खोप दिईने भएको छ । पाठेघरको मुखको क्यान्सरबाट बच्नका लागि ९ वर्ष देखि १४ वर्ष उमेर समुहका ती किशोरीहरुलाई खोप दिन लागिएको हो । जनस्वास्थ्य कार्यालय चितवनले आज यहाँ पत्रकारहरुसंगको अन्तरक्रिया कार्यक्रमको आयोजना गरी ४३३ खोप केन्द्रबाट यही माघ २२ गते देखि १५ दिन खोप दिन थालिएको जनाएको हो । कार्यालयका जनस्वास्थ्य अधिकृत बिमल पट्टेलका अनुसार ती खोप केन्द्रमा ४५५ जना स्वास्थ्य कर्मी र ९१० जना स्वयमसेवक परिचालन गरिने छ । सबै स्थानिय तहहरुले एक हप्ता खोप अभियान संञ्चालन गर्ने छन् भने भरतपुर महानगरपालिकाले १० दिन संञ्चालन गर्ने छ ।
बिद्यालयमा रहेका किशोरीहरुलाई बिद्यालयमानै खोप केन्द्र निर्माण गरी खोप लगाउने तयारी गरिएको उहाँले जानकारी दिनुभयो । बिद्यालय बाहिर रहेका किशोरीहरुलाई अभियानको अन्तिमम दिन खोप लगाईने उहाँले बताउनुभयो । नेपालमा बर्षेनी २ हजार १६९ जनामा पाठेघरको मुखको क्यान्सर देखिएपछि यसलाई रोक्नका लागि खोप सुरु गरिएको हो । यस खोपलाई बार्षिक कार्यक्रममा राखेर निरन्तरता दिईने कार्यालयका प्रमुख दिनेश रुपाखेतीले जानकारी दिनुभयो ।
उहाँका अनुसार ९० प्रतिशत किशोरीलाई खोप पु¥याउने, ३० देखि ४९ बर्ष उमेर समुहका ९० प्रतिशत महिलालाई परिक्षण गर्ने र परिक्षणबाट पुष्टि भएका ९० प्रतिशतलाई उचारको दायरामा ल्याउने गरी सरकारले खोप अभियान सुरु गरेको हो । अभियानका क्रममा कक्षा ६ देखि १० कक्षा सम्म अध्ययन गर्ने किशोरीहरुलाई खोप लगाउन लागिएको उहाँले जानकारी दिनुभयो । अहिले  दैनिक पाठेघरको मुखको क्यान्सरका कारण मृत्यु हुनेगरेको छ । यो खोपका लागि नेपालमा आथिृक वर्ष २०७२÷०७३ मा चितवन र कास्किमा परिक्षण गरिएको थियो ।