भरतपुर/बागमती प्रदेश सरकारका उद्योग, वाणिज्य, भूमी व्यवस्था तथा प्रशासन मन्त्री र सचिवसँग औद्योगिक प्रबद्र्धनका विषयमा छलफल कार्यक्रम सम्पन्न भएको छ । चितवन उद्योग संघका कार्यबाहक अध्यक्ष मदन घिमिरेले स्वागत मन्तव्य राख्नुभएको कार्यक्रममा चितवन उद्योग संघ, निवर्तमान अध्यक्ष त्रिलोचन कँडेलले संघले अघि सारेका महत्वपूर्ण परियोजनाहरुको बारेमा जानकारी गराउनु भएको थियो ।
छलफलमा बागमती प्रदेश सरकार, उद्योग, वाणिज्य, भूमि व्यवस्था तथा प्रशासन मन्त्री माननीय सुकमाया तामाङ्गले प्रदेशको गौरवको रुपमा रहेको चितवन प्रदर्शनीलाई अझ प्रभावकारी ढङ्गबाट सञ्चालन गरी नेपालकै नमूना प्रदर्शनी केन्द्रको रुपमा विकास गर्न आवश्यक रहेको बताउनुभयो । मन्त्री तामाङ्गले आफू पनि उद्योग, व्यवसायको हकहितको लागि काम गर्नको लागि उत्साहित भएको हुँदा उद्योग, व्यवसायको प्रबद्र्धनात्मक कार्यका लागि आफू सदैव तयार रहने बताउनुभयो ।
त्यस्तै बागमती प्रदेश सरकार, उद्योग, वाणिज्य, भूमि व्यवस्था तथा प्रशासन मन्त्रालयका सचिव राजेन्द्र कुमार के.सी.ले संघ परिसरमा बागमती प्रदेश उद्योग वाणिज्य तथा उपभोक्ता हित संरक्षण निर्देशनालयबाट लघु, घरेलु तथा साना उद्योगको उत्पादनको बिक्री वितरणमा सहयोग पु¥याउने हेतुले निर्माण भएको बिक्री केन्द्रलाई सञ्चालन गर्नको लागि आफूहरु तयार रहेको बताउनुभयो । सचिव के.सी.ले बिक्री केन्द्र सञ्चालनको केही विषयमा तत्काल छलफल गरी छिट्टै सञ्चालनमा ल्याउन पहल गरिने बताउनुभयो ।
Advertisement
