चितवन/चितवनमा यही पौष ९ गते महजात्रा हुने भएको छ। गीतानगर लायन्स क्लवको आयोजनामा विभिन्न विपन्न वर्गका बालबालिकालाई सहयोग गर्ने उद्देश्यले च्यारिटी इभेन्ट अन्तर्गत महजात्रा गर्न लागेको हो। गीतानगर लायन्स क्लबका पूर्व अध्यक्ष तथा एल टी के का प्रोप्राइटर देभन लोहनीका अनुसार कार्यक्रम पौष ९ गते मंगलबार बेलुका ५ बजे इन्द्रदेव हल, नारयणगढमा हुनेछ। जसमा लेक ट्वान्टी थाउजेन्ट फार्म एण्ड रीट्रिट (एल टी के ) पनि हस्पिटालिटि पार्टनर रहेको छ।
उक्त कार्यक्रममा हास्य कलाकारहरु हरिवंश आचार्य र मदनकृष्ण श्रेष्ठ , किरण केसी, राजाराम पौडेल, शिवहरि पौडेल, नरेन्द्र कंसाकार, शैलेन्द्र सिम्खडा, यमन श्रेष्ठ, दिनेश काफ्ले र विभूषा बस्नेत लगायतको प्रस्तुति रहनेछ । हास्यव्यंग्यको माध्यमबाट समसामयिक समस्या र विविध मुद्दालाई उजागर गर्ने तथा नेपाली समाजका परम्परा, राजनीति, सामाजिक संरचना, र सांस्कृतिक कुरीतिहरूलाई व्यंग्य शैलीमा प्रस्तुत गरिने जनाइएको छ । १० वर्षपछि चितवनको नारायणगढमा यो कार्यक्रम हुन लागेको आयोजकले जनाएको छ।
यस कार्यक्रममा करिव ९ सय जना सहभागी हुने जनाउँदै अहिलेसम्म ५० प्रतिशत टिकट बिक्री भइसकेको बताइएको छ। टिकट शुल्क भिआइपीतर्फ ३ हजार, २ हजार र १ हजार राखिएको छ।
यस कार्यक्रमलाई सफल बनाउन भरतपुर महानगर र चितवन क्षेत्र नं ३ का सांसद विक्रम पाण्डेले सहयोग गरेको आयोजकले जनाएको छ।
