भरतपुर/दिपाज इभेन्टको आयोजनामा हुने दिपाज रनवे सिजन ३ को पहिलो अडिसन सम्पन्न भएको छ । भरतपुरस्थित लाइम एण्ड लेमनको प्राङ्गणमा सम्पन्न अडिसनमा १७ जना प्रतिस्पर्धीहरुको सहभागिता रहेको थियो ।
उज्यालो टाईम्स मिडिया एण्ड एडभरटाइजिङ्ग प्रा.लि.का अध्यक्ष राजु भट्ट र युनिक्लो बुटिककी सञ्चालिका राधा शर्मा अडिसनको निर्णायकको भूमिकामा रहनु भएको थियो । सहभागी प्रतिस्पर्धीहरुले आफ्नो परिचय राउण्ड, क्याटवाक राउण्ड र अन्य प्रस्तुतिहरुको आधारमा अडिसनमा सहभागिता जनाएका थिए ।
दिपाज इभेन्टकी कार्यकारी निर्देशक दिपा पाठकको नेतृत्वमा आयोजना हुन लागेको दिपाज रनवे सिजन ३ को कोरियोग्राफरहरु इन्दर श्रेष्ठ, नामजुन सुमिन रहेका छन् भने, प्रतियोगिताको इभेन्ट म्यानेजरहरुमा श्रीजा श्रेष्ठ, सरिता सुनार रहनुभएको थियो । प्रतियोगिताको गाथा स्टुडियोले छायाँकन गरेको थियो ।