यस्तै खालका समस्यालाई ध्यानमा राख्दै दक्षिण कोरीयाले बिभिन्न १५ देशका आफ्ना कामदारहरुका लागी ऋणको ब्यवस्था गरिदिएका छन् । छन्बुक बैंक (जेबी बैंक) मार्फत त्याँहा काम गर्ने बिदेशी नागरिकहरुलाई ऋणको ब्यवस्था मिलाईएको हो। उक्त बैंकले जाने बित्तिकै पासपोर्टको अधारमा १० लाखसम्म ऋण दिने बैंकका परामर्शदाता रोहन सुब्बाले बताउनु भयो ।
उहाँले भन्नुभयो—“नेपाल अथवा अन्य १५ देशबाट रोजगारका लागी यहाँ आएकाहरुलाई पासपोर्ट अथवा पासलेनका आधारमा १० लाखसम्म दिन्छ ।” दक्षिण कोरीया गएको १ महिना भित्रमा रेसीडेन्स कार्ड पाईने ब्यवस्था छ । सो पश्चात ३ देखि ४० लाखसम्म ऋण पाउने ब्यवस्था गरिएको परामर्शदाता सुव्वाले बताउनु भयो ।
सुव्वाले “उता नेपालसहित अन्य १५ देशबाट आएकाहरुले यहाँ आएर दुई हप्ता देखि १ मिहनासम्म रेसीडेन्स कार्ड पाउछ । त्यसपछि हामीले उनिहरुको माग अनुसार ऋण दिने गर्छौ, भन्नुभयो ।” उहाँका अनुसार ऋण प्रकृयाको लागी २ देखि ३ दिनसम्म लाग्ने छ ।
बैंकले १०.४ देखि १५ प्रतिशतसम्म क्रेडिट स्कोरको आधारमा ब्याजदर कायम गरिने छ । हरेक महिनामा तिर्नु पर्ने किस्ता बापतको रकम काम गर्ने कम्पनिको तलब बाटै सोझै काट्ने छ । साथै उहाँले नेपालबाट गएकाहरुलाई छिटोछरितो ऋण उपलब्धताका लागी आफुलगायत अन्य परामर्शदाताहरुसंग सम्पर्क गर्न आग्रह गर्नु भएको छ ।
दक्षिण कोरीयाका बिभिन्न स्थानमा भएका जेबी बैंकले नेपाल, चीन, श्रीलंका, बांलादेश, पाकिस्तान, उज्वेकिस्तान, भेतनाम, फीलीपीन्स, कम्बोडियासहितका १५ वटा देशरुलाई यस्ता खालका सुविधा दिदै आएका छन् ।
